Дали се сеќавате на пионерската заклетва од времето на Југославија?

Последната генерација пионери во Југославија положи заклетва во 1989 година на 29 ноември. Недолго после тоа државата започна да се распaѓа, а луѓето меѓусебно да се убиваат. Многумина од тоа време не го испочитуваа дадениот збор.

Дали се сеќавате на што се заколнавте кога имавте 7 години?

Преку Сојузот на пионерите децата се учеа на патриотизам, на почит, ја учеа историјата за Народно-ослободителните борби, учествуваа во вежбите кои заедно беа наречени НННИ (Ништо не смее да нè изненади).

Како пионер, детето беше должно да учи и да помага за унапредување на училиштето, да учестувува во пионерските состаноци и конференции, да си игра и забавува со своите другарчиња, да го негува патриотизмот, да ги следи актуелните настани во земјата и светот, да учествува во прослави и манифестации, да учествува во научно-популарни и образовни активности, културно-уметнички и спортски активности и да оди на организирани излети и кампувања.

Loading...

Зачленувањето во Сојузот на пионерите, како што се сеќаваат членовите, се случувало во прво одделение основно училиште, на Денот на републиката (29 ноември).

Тогаш учениците ја полагаа Пионерската заклетва и добиваа пионерска униформа: Сина капа со петокрака ѕвезда со црвена боја – “титовка” и црвена марама која се носеше околу вратот. Исто така, се носеше бела кошула или блуза и темносини панталони и сукња.

Се добиваше и пионерска значка и пионерска книшка.

А потоа, пред родителите и државното знаме се полагаше свечената заклетва:

ПИОНЕРСКА ЗАКЛЕТВА

„Денес, кога станувам пионер,
давам чесен пионерски збор
дека вредно ќе учам и работам
и ќе бидам верен и добар другар.

Дека ќе ја сакам нашата самоуправна татковина
Социјалистичка Федеративна Република Југославија,
дека ќе ги развивам братството и единството
и идеите за кои се бореше Тито.

Дека ќе ги почитувам сите луѓе на светот
што сакаат слобода и мир!“

Последната генерација пионери во Југославија положија заклетба во 1989 година на 29 ноември.

Loading...