Потребни состојки:

500 г спанаќ

1 лажица маст или путер

1 помала главица кромид

1-2 чешниња лук

2 лажици брашно

200 мл вода

400 мл млеко +-

Сол, црн пипер

И уште:

Течна, неутрална павлака или кисела павлака и крцкава сланина, кој како сака

Постапка:

Спанаќот убаво се чисти и мие. Во поголем сад во кој може да го собере спанаќот, ставете вода и загрејте ја за да зоврие. Кога ќе проврие ставете го целиот спанаќ, промешајте штом свене за некоја минутка, извадете го, процедете го и оставете малку да излади.

Кога ќе биде ладе исцедете го од вишокот вода и исечкајте го ситно. За тоа време, на оган загрејте ја маста и пропржете го ситно сечканиот кромид додека да стане стаклест. Па додадете го сечканото лукче, промешајте и штом замириса, додадете две лажици брашно. Пропржете го брашното околу половина минута на тивко, додадете го спанаќот и сето прелијте го со вода, а потоа и со млеко.

Млекото додавајте го додека чорбата да ја добие посакуваната густина (обично оди една мера вода и две мери млеко). Чорбата посолете ја и запиперете по вкус. Оставете да проврие и гответе уште минута-две со мешање.

Чорбата можете веднаш да ја сервирате во чинии, а можете да додадете и околу 100 мл павлака и да наросете парчиња крцкава сланина.