ЧОКО МАСКАРПОНЕ КОЦКИ вкус кој ќе ве однесе на седмо небо

Потребни состојки за кора:

Од овие состојки се печат две кори во плех 35х24 см

125 г путер

100 г шеќер

2 јајца

150 г брашно

½ прашок за печиво

2 лажици какао

200 мл јогурт на собна температура

Фил:

500 г маскарпоне сирење

2-3 лажици шеќер во прав

½ лимонов сок

1 лажичка екстракт од ванила

170 г темно чоколадо

200 мл слатка павлака за шлаг

Глазура:

200 г млечно чоколадо

20 г чоколадо за готвење

200 мл шлаг

Постапка:

Омекнатиот путер изматете го со шеќер. Потоа додадете јајца и миксајте, па потоа и брашнатите состојки, а на крај јогуртот на собна температура. Сето убаво да се соедини.

Смесата поделете ја на два дела и печете посебно две кори во плех со димензија 35х24 см обложен со хартија за печење. Кората е многу тенка – печете на 180 степени околу 15-тина минути.

Загрејте ја слатката павлака на умерена тепература заедно со чоколадото и мешајте додека да се растопи. Оставете да излади. Сирењето, шеќер, ванила и сок од половина лимон измиксајте, а потоа додадете во изладената смеса од чоколадо и слатка павлака и сето добро измиксајте го.

Редење: кора – ½ фил – кора ½ фил

Преку колачот прелијте по желба глазура. Ставете во фрижидер убаво да излади па сечете на коцки 3,5х3,5.

Milv: coolinarika.com

Претходна статијаПОХУВАНИ ЈАБОЛКА: вкусен десерт за сечиј џеб
Следна статијаОваа торта за мене е вистинско откритие – рецептот го споделувам со вас