Брз леб со пиво, потребни ви се 2-3 минути, остатокот го прави рерната

За овој брз леб со пиво потребни ви се 2 или 3 минути. Останатото го завршува рерната. Неодолив е онаков топол и мирисен во комбинација со сиренце…

Испробав повеќе рецепти за леб со пиво, но овој убедливо е најдобриот!

Кога го приготвувам овој леб, најпрво ја вклучувам рерната па дури потоа ги мерам состојките, двапати вртам со лажица и истурам во плех.

Loading...

Некогаш лебот е готов за печење а рерната сè уште не е загреана. Лебот е навистина добар со крафт пиво.

Користам какво имам, ама да знаете дека секое различно пиво си остава свој посебен печат на лебот.

Потребни состојки:

3 шолји од 250 мл брашно тип 400

1 прашок за печиво 10 г

2 лажици мед

1 лажичка сол

1 пиво од 330 мл по желба

50 г путер

Постапка:

Вклучете ја рерната да се загрее на 180 степени. Обложете го плехот со димензии 30х11 см со хартија за печење.

Во вангла ставете брашно и сол, па додадете прашок за печиво, мед и пиво. Измешајте со лажица неколку пати за да се соединат состојките.

Тестото префрлете го во приготвениот плех. Путерот исечкајте го на листови и наредете го по површината на лебот.

Ставете да се пече во загреана рерна околу 35-40 минути, додека површината на лебот да стане златно-жолтеникава.

Напомена: топлиот леб тешко се сече, но тешко е да му одолеете. Кога ќе излади, нема проблем со сечењето.

Loading...