Брз и евтин колач на чаша без јајца а толку сочен – посно

Евтин и без јајца, сочен колач за сите пригоди и сите можат да го направат, а идеален е за оние што постат.

Потребни состојки:

шолја од 250 мл

1 шолја млеко (обично, посно или вода)

1 шолја шеќер

2 шолји брашно

3 лажици какао

1 прашок за печиво

5 лажици масло

5 лажици џем

За прелив:

200 мл млеко (обично, посно или вода)

1 пудинг од чоколадо

5 лажици шеќер

За наросување: шеќер во прав

Постапка:

Вклучете ја рерната на 220 степени.

Се користи помал четвороаголен калап а колачот се сече на коцки. Јас користев калап 24 см, обложен со хартија.

Се мешаат сите состојки за колачот и со електричен миксер се соединува во компактна смеса.

Се истура во калапот и се пече во загреана рерна на 220 степени, околу 25 минути.

За прелив се меша млеко, шеќер и прашок за пудинг.

Печениот колач го вадиме од рерна па сечеме коцки или правоаголници, а потоа одозгора го истураме преливот, внимавајќи да навлезе и онаму каде сме сечеле со ножот.

Вака залиениот колач се враќа во рерна и се пече уште 8 минути.

 

Loading...