БИСКВИТНИ БОМБИЦИ: Ако имате 10 минути време, не пропуштајте да ги направите

Овие колачиња почнаа речиси сите да ги бараат, па ги правам многу често, секој ден. Толку се вкусни што сите се јадат во неколку минути, па правам после втора тура. Се приготвуваат многу лесно и едноставно, а ќе ви бидат потребни само 3 состојки.




Многу вкусни ситни колачи кои не се печат. Без, брашно, јајца и други класични состојки за подготовка на домашни колачи. Овие колачиња ги дознав случајно, а сега со сите го споделувам рецептот бидејќи се многу вкусни.




Покрај тоа се подготвуваат многу лесно и едноставно, погодни се за сите кои немаат многу време да посветат во кујната, а сепак на трпезата да имаат нешто домашно и вкусно. Ќе ви бидат потребни само следниве состојки: 260 г бисквити (плазма), 2-3 банани (околу 250 г) и 160 г чоколадо.




ПОСТАПКА: Земете ги бисквитите и скршете ги на помали парчиња. Ставете ги во блендер и сомелете ги во прав (како плазма). Доколку имате мал блендер како мојот, направете го тоа на два или трипати.

Потоа мелените бисквити префрлете ги во подлабок сад. Бананите излупете ги и исечете ги на кругови, па изблендирајте ги во густа маса. Потоа оваа смеса ставете ја во мелените бисквити и малку соединете со шпатула.




Преминете на месење со раце и замесете убаво измазнето тесто, со тврда конзистентност. Тестото се замесува многу брзо за неколку минути ќе го формирате Потоа со лажица со длабоко дно или отприлика вадете мали топчиња од смесата и обликувајте ги и редете ги на проѕирна фолија.




На овој начин искористете го цело тесто од кое излегуваат околу 15 топчиња. На пареа растопете го чоколадото и ставете го во подлабок сад.

Со помош на лажица, спуштајте едно по едно топче додека цело се натопи во чоколадото, а потоа вратете го на проѕирната фолија. Кога ќе ги прелиете со чоколадо сите колачиња, почекајте малку да се стврднат, а потоа по желба може да ги декорирате со уште малку потемно чоколадо во шприц.




Секако ова е опционално и не мора да го правите доколку немате време. Колачињата ставете ги во фрижидер да отстојат уште некое време, но брзо се стегаат. Деталите од целата постапка погледнете ги во видеото ОВДЕ.

(втор рецепт) Вкусни нугат бомбици: Многу брзи и лесни ситни колачи со наполитанки, чоколадо и биксвити, Многу брзи и лесни за приготвување нугат бомбици. Од оваа количина се добиваат приближно 24 бомбици.

ПОТРЕБНИ СОСТОЈКИ: 200 г маскарпоне сирење (или друго свежо несолено сирење), 100 г наполитанки со лешник, 75 г лешници, 2 лажици нутела/лешник крем, 50 г чоколадо за готвење, 50 г чоколадо за лешник, 2 лажици масло, 2 лажици млеко и мелени бисквити.




ПОСТАПКА: Во еден сад искршете ги наполитанките. Лешниците сомелете ги и измешајте ги со наполитанките. Додајте 2 лажици нутела, 200 г маскарпоне и убаво со лажица промешајте за да се изедначат состојките.

Смесата покријте ја проѕирна фолија и оставете ја во фрижидер да се олади околу половина час. Со намастени дланки формирајте топчиња со големина на орев.




За глазура: Двата вида чоколади искршете ги на коцки, додадете две лажици масло, па загрејте ги на пареа или на тивок оган додека да се растопат. На крај додајте две лажици млеко и промешајте додека да добиете убава мазна чоколадна глазура.

Секое топче забодено на стапче потопувајте го во чоколадната глазура. Редете ги бомбиците на чинија и оставете ги да изладат и да се стегне глазурата. Неколку можете да ги валкате во мелени бисквити или само да ги наросите одозгора.

Претходна статијаНаправете млеко од чувар куќа и лук и испијте на гладно за проблеми со стомакот и зглобовите
Следна статијаКолач кој ќе ве чини помалку од 150 денари: Диетален, а многу сочен, без грам млеко