Ајдучка трева: за болки во желудник, висок притисок, чистење на крвта од масти и токсини

Силниот чај од ајдучка трева го регулира и го прочистува крвотокот, па добро е да се пие при внатрешни крварења, крвава столица, крварење од носот како и кај други рани. Помага и при менструални тегоби и ги ублажува грчевите.

*Против нередовна менструација се пие 3-4 пати по една чаша силен чај и тоа два дена пред менструацијата.

*Грчевите во желудникот и цревата ќе се смират ако трипати дневно пиете по 200 мл топол напиток, зошто поттикнува лачење на плувачка, желудечни сокови и желудечни киселини.

*Посебно се препорачува на луѓе со висок крвен притисок.

*Во вид на облози оваа билка е добра за стопирање на крварењето од рани.

СОВЕТ: долгорочното користење на преголеми дози може да предизвика главоболки и пречувствителност на кожата од сончевите зраци.

ЧАЕВИ ОД АЈДУЧКА ТРЕВА (со свежа или сува билка)

Рецепт бр.1

Потребно:

20 г цветови ајдучка трева

1 литар вода

Подготовка:

Варете ги свежите цветови од ајдучка трева во литар зовриена вода околу 10-15 минути. Пијте 4 пати на ден по една чаша.

Рецепт бр.2

Потребно:

Лажичка сушени цветови ајдучка трева

250 мл вода

Подготовка:

Сувите цветови прелијте ги со чаша зовриена вода, поклопете и оставете да отстои околу половина час. За желудечни тегоби пијте по мала чашка двапати дневно, еден час пред јадење.

Loading...