Со причина го нарекуваат еликсир на младоста. Овој едноставен мевлем на кожата и ја враќа еластичноста и убавината, на косата и ја враќа природната боја и волуменот, а оние кои го пробале велат дека покрај другото и подобро гледаат.
Народната медицина има решение за сè, па и за сочувување на младешкиот изглед на кожата. Нема да ви бидат потребни скапи креми, серуми, масли, ниту козметички третмани.
За да и го вратите сјајот и еластичноста на вашата кожа ќе ви бидат потребни само неколку состојки и решителност за редовна употреба на производот. Добро запамтете го овој рецепт или уште подобро, запишете си го, доколку сакате да се подмладите и да изгледате 10 години помладо.
Во комбинација со правилна, здрава исхрана и физичка активност, оваа мешавина ќе придонесе за добар изглед, но и одлично чувство. Овој мевлем има способност да поттикне регенерација на клетките, но и позитивно ќе делува врз функционирањето на целиот организам.
Потребни состојки:
100 мл масло од ленено семе
2 лимони
1 главица лук
500 г мед (една тегла)
Постапка:
Исчистете го лукот и поделете го на чешниња, па секое посебно внимателно исчистете го од лушпата. Еден лимон излупете го, а другиот убаво измијте го во раствор од сода бикарбона.
За оваа смеса потребно е едниот лимон да го искористите заедно со кората. Извадете им ги семките. Состојките сомелете ги или изблендирајте ги во еднолична смеса.
Во смесата од мелен лимон и лук додадете сто милилитри масло од лелено семе и половина килограм мед. Добро промешајте до изедначување.
Смесата се чува во фрижидер во затворена стаклена тегла. Се консумира трипати дневно по една лажичка половина час пред оброк.
КАКО ДЕЛУВА НА ОРГАНИЗМОТ?
Лененото масло е растителен хормон и содржи линолна (омега-6), олеинска (омега-9) и палмитинска масна киселина. Претставува побогат извор на омега 3 масни киселини дури и од рибиното амсло. Овие масти играат клучна улога во одржувањето на младешкиот изглед и спречуваат прерана појава на брчки.
Исто така, претставува и растителен извор на лигнани, важни антиоксиданти, а во комбинација со лимонот, ефикасно го чисти црниот дроб и жолчните канали. Витаминот Ц од лимонот е совршен антиоксиданс, го јакне имунитетот и крвните садови.
За лимонот се вели дека е “лек за сè”. Тој го подобрува тенот, ја враќа еластичноста, ја регенерира кожата и косата, го подига имунитетот и успешно се бори против стресот. Лукот го чисти телото од токсини, додека медот го снабдува со нутриенти, односно микроелементи во крвта кои го обновуваат и подмладуваат целиот организам.
