Фото: Матија Врањешевиќ
Оваа комбинација брзо ќе ве освои и сигурно овој колач ќе го приготвувате повеќе пати.
Потребни состојки:
1 кг рендани јаболка
3 јајца
200 г шеќер
1 ванилин шеќер
100 мл масло
150 мл млеко
1 лажица рум
150 г меко брашно
½ прашок за печиво
150 г мак (може и рогач)
за прелив:
сокот од исцедените јаболка на почетокот
250 мл купечки сок од јаболка (може и обична вода, но тогаш додадете 3 лажици шеќер)
1 пудинг од ванила
крупно сечени лечници за наросување – по желба
за глазура:
1 лажица масло
2 лажици вода
175 г путер (може да намалите и на 100 г)
1 лажица шеќер во прав
200 г чоколадо за готвење
Постапка:
Јаболката убаво измијте ги, излупете ги и изрендајте ги. Потоа процедете ги.
Во посебен сад ставете јајца, шеќер, ванилин шеќер и добро измиксајте. Можете и со миксер ако ви е полесно.
Потоа додадете ги исцедените јаболка, маслото, млекото, малку рум ако сакате, па просеаното брашно помешано со прашок за печиво. Добро промешајте па додадете мак или рогач.
Повторно промешајте за да се изедначи и смесата излејте ја во плех 35х25 кој претходно сте го намастиле и набрашниле, а вишокот брашно сте го истресле.
Откако ќе ја израмните смесата, ставете ја да се пече во загреана рерна на 175 степени околу 35-40 степени.
За тоа време исцедениот сок од јаболка помешајте го со една чаша бистар сок од јаболка (доколку немате во моментот сок од јаболка, може да ставите зашеќерена вода) и ставете на оган да зоврие. На страна, во 50 мл сок размешајте еден пудинг од ванила и сварете го во сокот со постојано мешање додека да згусне.
Добиениот крем прелијте го преку печената кора и добро изладете. Може одозгора да наросите лешници или некој друг јаткаст плод. Оставете го колачот да се лади 45 минути.
За глазура: Ставете вода, масло, путер, шеќер во прав и чоколадо за готвење да се растопат на тивок оган, добро промешајте и прелијте преку колачот. Оставете да се стегне и добро излади, а потоа исечете на коцки и послужете.
Целата постапка можете да ја погледнете во видеото:
