Ова е рецепт за природен лек кој помага при замастен црн дроб, болни црева, подуеност, циркулација и имунитет. Еве што ви е потребно
ПОТРЕБНИ СОСТОЈКИ:
300 г свеж ѓумбиров корен
100 г поленов прав (смелен)
500 г квалитетен мед
ПОСТАПКА:
Кога ќе купувате ѓумбир внимавајте коренот да биде свеж и да не е премногу дехидриран. Убаво измијте го, излупете го со грепкање со помош на лажичка, а потоа изрендајте го или исечкајте го ситно.
Поленовиот прав доколку го купите во гранули – измелете го.
Измешајте ги состојките, ставете ги во поголема тегла со широко грло и постепено додавајте го медот со мешање. Откако ќе се изедначи смесата, теглата добро затворете ја и обвиткајте ја со алуминиумска фолија.
Чувајте ја во фрижидер. Оставете да отстои два-три дена за да може да се спојат состојките со ѓумбировиот сок. Пред употреба промешајте.
Консумирајте по една супена лажица наутро и навечер. Има специфичен, малку лут вкус што го дава ѓумбирот. Загрева, ја подобрува циркулацијата и за кратко време ги лекува цревните проблеми.
За маснотии во крвта и замастен црн дроб користете ја целата доза, а за потешки болести – направете ја уште еднаш. За имунитет консумирајте цела зима.
НАПОМЕНА: Пред примена на препарати од народната медицина секој треба да се советува со својот лекар. За својствата на состојките, за секоја поединечно, можете да прочитате подолу:
ПОЛЕНОВ ПРАВ
Поленот (цветен прав) е чист и природен производ на пчелите, силен енергетик кој помага во ревитализирање и регенерирање на организмот.
Поленот содржи раскошна природна комбинација на минерали и витамини, во кои спаѓаат калциум, магнезиум, манган, калиум, цинк, рибофлавин (Б2), тиамин (Б1), витамин А, Б6, Ц, Д, Е, К, провитамин Д и 12 видови на незаситени масни киселини, протеини и антиоскиданси.
Помага:
– Во зајакнување на имуниот систем;
– Кај слабокрвност;
– За подобрување на менталната функција на организмот;
– Кај проблеми со нервниот систем;
– Врз обновата на цревната флора;
– За заштита на црниот дроб;
– За подобрување на квалитетот на кожата, косата и ноктите.
СВЕЖ ЃУМБИР
Свежиот ѓумбир помага при намалување на високиот холестерол и во борбата против одредени стомачни бактерии, кои се сметаат одговорни за создавање на стомачен чир.
Истовремено, ја намалува подуеноста на стомакот и ја олеснува тензијата предизвикана од непријатни стомачни гасови.
Позитивно влијае на обновување на цревната флора, има лаксативен ефект и ја регулира нередовната столица. Ја ублажува мигрената и ја смирува главоболката.
ДА СЕ ПОТСЕТИМЕ ЗА ЛЕКОВИТО ДЕЈСТВО НА МЕДОТ:
1. Пред сѐ претставува извор на енергија бидејќи е лесно се вари и се препорачува кај спортисти, ја зголемува издржливоста, а го намалува заморот на мускулите.
2. Медот е одличен антиоксиданс. Трудниците кои во текот на својата бременост конзумирале мед раѓале поздрави и повитални деца. Кај малите деца се препорачува мед по втората година.
3. Ги олеснува симптомите на грип и настинка, болестите на респираторниот систем, како што се синуси и воспаление на грлото.
4. Врз раните има дејство на антисептик, ја намалува болката, а исто така го извлекува отровот при убоди на инсекти.
5. Ако се изгорите веднаш нанесете веднаш мед. Така ќе спречите да се создаде меур, а кожата ќе ви зарасне без лузни.
6. Облози од мед помагаат при кожни проблеми, како што е испукана кожа, осипи, јадеж.
7. Медот помага и при тврда столица, гастритис, чир на желудникот
8. Го подигнува нивото на железо и ги намалува маснотиите во крвта
9. Го прочистува телото
10. Познато е неговото благотворно дејство кај проблеми со очите, коњуктивит и др.
