Многу вкусни солени колачиња.
ПОТРЕБНИ СОСТОЈКИ:
4 јајца
12 лажици брашно
200 мл јогурт
1 прашок за печиво
1 лажичка сол
1 шолјичка масло
1 морков
1 китка магдонос
ЗА ФИЛ:
250 г крем сирење
100 г шунка
1 варено јајце
За премачкување:
100 мл кисела павлака
12 лажички мајонез
150 г рендан кашкавал
1 варено јајце
ПОСТАПКА:
За кора: изматете јајце, посолете, додадете јогурт, масло, брашно помешано со прашок за печиво, рендан морков и сечкан магдонос, сето соединете го и печете на 200 степени околу 20 минути.
Кога ќе излади, со модла за крофнички извадете 24 тркалца.
За фил: измешајте крем сирење, сечкана шунка, рендано варено јајце и издробен остатокот од пандишпанот кој останал после вадењето на круговите.
Круговите пресечете ги на половина па спојувајте ги со филот.
Околу премачкајте со павлака, па валкајте ги во рендан кашкавал.
Одозгора секоја шубара премачкајте ја со мајонез и наросете со рендано јајце.
Украсете по желба.
