Посен ѓувеч со смрзнат зеленчук е практично и хранливо јадење што се подготвува брзо, без комплицирани чекори и со состојки кои најчесто веќе ги имаме дома.
Овој рецепт е идеален за пост на вода, но може да се подготви и со малку масло, зависно од вашите потреби.
Комбинацијата од ориз и зеленчук создава балансиран оброк богат со растителни влакна и сложени јаглехидрати, што го прави заситувачки и погоден за семеен ручек.
Дополнително, ваквите економични рецепти се одличен избор кога сакате брз оброк без непотребни трошоци и долго готвење, пишува НМД. Еве што ви е потребно:
🛒 Потребни состојки:
• 2 шолји ориз (измиен)
• 500 г смрзнат микс зеленчук за ѓувеч
• 1 главица кромид
• 1 – 2 лажици пасиран домат
• 1 лажица сув зачин
• сол по потреба
• 2 – 3 лажици масло (по желба, ако не е на вода)
• топла вода по потреба
👩🏻🍳 Постапка:
1. Оризот измијте го убаво и ставете го во тенџере со вода. Варете го кратко, додека да омекне делумно (околу 5–7 минути), па процедете го.
2. Кромидот ситно исечкајте го. Во тенџере ставете малку масло или малку вода (доколку подготвувате ѓувеч на вода), па додајте го кромидот и гответе додека да омекне.
3. Додајте го смрзнатиот зеленчук и сипете го пасираниот домат. Додајте сув зачин и по потреба сол. Оставете да се крчка неколку минути додека да се соединат вкусовите.
4. Додајте го полуобварениот ориз и внимателно измешајте. По потреба сипете малку топла вода, колку состојките убаво да се соединат.
5. Префрлете ја смесата во огноотпорен сад или плех. Печете во загреана рерна на 200°C околу 25–35 минути, додека течноста да испари, а оризот целосно да омекне и јадењето убаво да се укрчка.
6. По потреба, во текот на печењето сипете малку топла вода за да добиете совршена текстура.
Оставете го ѓувечот кратко да одмори пред сервирање, за полесно сечење и поубава структура.
Зошто да го подготвите овој посен ѓувеч?
• Брз и лесен рецепт
• Идеален за пост на вода
• Економичен семеен ручек
• Совршен избор за неделен план на исхрана
• Практично решение кога немате свеж зеленчук
• Рецепт – ОВДЕ.
