Традиционален рецепт што мириса на детството
Домашното слатко од јаболка е еден од оние старински рецепти што никогаш не излегуваат од мода.
Со кристално чисти, цврсти парчиња јаболка и богат, густ сируп, ова слатко е вистински пример за совршен баланс меѓу текстура, арома и вкус.
Се подготвува лесно, без комплицирани чекори, а резултатот е деликатес идеален за послужување со кафе, палачинки, колачи или како домашен гурмански подарок, пишува НМД. Еве што ви е потребно:
Тајната на најдоброто слатко од јаболка – бистар сируп и јаболка што не се распаѓаат
🧺 Потребни состојки
• 1 кг јаболка (поцврсти сорти)
• 900 г кристал шеќер
• 200 мл вода
• 1 кесичка ванилин шеќер
• 1/3 лажичка лимонтус
• НМД
Домашно слатко од јаболка со густ, кристално чист сируп и цврсти парчиња. Проверен традиционален рецепт со совршен вкус и арома.
👩🍳 Постапка – чекор по чекор
1. Одберете здрави и цврсти јаболка што не се распаѓаат при варење.
2. Измијте ги, излупете ги и отстранете ја средината.
3. Исечете ги најпрво на четвртини, а потоа на тенки плочки со дебелина од околу 4–5 мм.
Подготовка на сирупот
4. Во тенџере сипете го шеќерот и водата.
5. Варете додека да добиете бистар и лесно згуснат сируп, сличен на класичен сируп за слатко.
6. Кога сирупот ќе зоврие, додајте ги подготвените јаболка.
7. Нежно протресете го тенџерето за сите парчиња да потонат во сирупот (не мешајте со лажица).
8. Варете околу 10 минути, додека јаболката не станат полупровидни, но да ја задржат формата.
9. Пред самиот крај додајте ванилин шеќер и лимонтус – тие ја засилуваат аромата и ја зачувуваат светлата боја.
10. Тргнете го тенџерето од оган, покријте со чиста кујнска крпа и оставете да одмори околу 10 минути.
11. Додека е уште топло, сипете го слаткото во стерилизирани тегли и цврсто затворете.
✅ Совети за совршено слатко од јаболка
• Користете поцврсти сорти јаболка – меките ќе се распаднат и ќе добиете каша.
• За уште погуст сируп, варете го сирупот 2–3 минути подолго пред додавање на јаболката.
• Чувајте го слаткото на ладно и темно место – може да трае со месеци без губење на квалитетот.
• Идеално е и како домашен подарок во украсна тегла.
