Ова е еден од оние рецепти што еднаш кога ќе ги пробате – засекогаш остануваат во вашата кујна. Печени плескавици од мелено свинско и јунешко месо, исклучително меки, сочни однатре и со богат, заокружен вкус.
Рецепт кој не бара многу време, а резултатот е секогаш сигурен – идеален и за почетници, и за искусни домаќинки.
Ова е начин на подготовка што гарантира совршено печени месни плескавици во рерна, без сушење и без комплицирани чекори, пишува НМД. Еве што ви е потребно:
Овој едноставен, но богат рецепт за плескавици од мелено месо станува омилен во секоја кујна – без пржење, без компликации и со совршен вкус.
🛒 ПОТРЕБНИ СОСТОЈКИ
• 1 кг мелено месо (мешано – свинско и јунешко)
• 150 г леб
• 150 мл млеко
• 50 г путер
• 2 главици кромид
• 2 чешниња лук
• 1 јајце
• 1 лажица сенф
• 1 лажичка црн пипер
• 1½ лажички сол
• 60 г свеж магдонос
• масло, по потреба
• НМД
Сочни и меки печени плескавици од мелено свинско и јунешко месо – проверен рецепт што секогаш успева. Идеален за брз и вкусен ручек.
👩🍳 НАЧИН НА ПОДГОТОВКА
1. Во подлабок сад сипете го млекото, па додајте го лебот исечкан на коцки. Промешајте и оставете настрана додека да омекне и целосно да го впие млекото.
2. Кромидот ситно исечкајте го. Во тава на средна температура растопете го путерот, па додајте го кромидот. Пржете со постојано мешање околу 5 минути, додека да стане стаклест и мек.
3. Додајте го ренданиот лук и мешајте уште околу 1 минута. Потоа зачинете со црн пипер, додајте сенф и ситно сечкан магдонос. Добро промешајте, тргнете од оган и оставете смесата малку да се олади.
4. Во поголем сад ставете го меленото месо, додајте го јајцето, солта, натопениот леб и изладената мешавина со кромид. Измесете убаво со рака додека да добиете изедначена и мека смеса.
5. Покријте ја смесата и оставете ја кратко во фрижидер (15–20 минути) – овој чекор придонесува за подобра структура и посочен резултат.
6. Плех обложете го со хартија за печење и лесно премачкајте ја со масло. Обликувајте поголеми плескавици и наредете ги во плехот. Одозгора со четка нежно премачкајте ги со малку масло.
7. Печете во загреана рерна на 180 °C, околу 30 минути, додека да добијат убава златна боја.
💡 КОРИСЕН СОВЕТ
Овие плескавици се одлични и како главно јадење со прилог, но и како основа за домашни сендвичи или бургери. Постапката погледнете ја во видео прилогот ОВДЕ:
