Напиток за чистење на организмот и намалување на стомачните маснотии
Овој едноставен, но ефикасен напиток е идеален за оние кои сакаат да го подобрат варењето, да го исчистат организмот и да го намалат вишокот маснотии околу стомакот.
Комбинацијата од чиа семе, краставица и лимон обезбедува хранливи материи, антиоксиданси и хидратација, што го прави овој напиток одличен избор за енергичен почеток на денот.
Редовното консумирање, во комбинација со урамнотежена исхрана и физичка активност, може да помогне во подобрување на метаболизмот и општото здравје, пишува НМД. Еве што ви е потребно:
Потребни состојки:
– 1 лажица чиа семе
– 150 мл вода
– 2 краставици
– Сок од 1 лимон
– 1 лажица мед (по желба)
– НМД
Постапка:
1. Во сад ставете 1 лажица чиа семе и прелијте ги со 100 мл вода. Промешајте и оставете ги да отстојат 30 минути. За тоа време, чиа семето ќе формира гелест слој, кој е нискокалоричен и помага во варењето.
2. Измијте ги краставиците. Доколку сте сигурни во нивниот квалитет и природно потекло, не е потребно да ги лупите. Исечкајте ги на помали парчиња.
3. Исцедете го сокот од еден лимон.
4. Во блендер ставете ги натопеното чиа семе, исечканите краставици, сокот од лимон и додајте 50 мл вода. Блендирајте додека да добиете хомогена смеса.
5. Процедете ја смесата за да добиете бистар сок.
6. По желба, додајте 1 лажица мед за дополнителен вкус.
7. Консумирајте го напитокот секое утро пред појадок во текот на две недели.
Како делува:
Овој напиток делува на повеќе нивоа. Чиа семето, богато со протеини и влакна, го забрзува метаболизмот и го подобрува варењето, помагајќи во елиминацијата на токсините од телото.
Лимонот, како природен извор на витамин Ц и антиоксиданси, го зајакнува имунитетот и го поттикнува разградувањето на мастите.
Краставиците, пак, се природен диуретик, кој помага во елиминација на вишокот течности и го намалува чувството на надуеност.
Комбинацијата од овие состојки го чисти дебелото црево, го подобрува варењето и помага во намалување на масните наслаги околу стомакот, истовремено обезбедувајќи енергија и хидратација.
Напитокот исто така помага во борбата против запек и го олеснува природното чистење на организмот.
Напомена: Пред да започнете со консумирање на овој напиток, консултирајте се со лекар за да се осигурите дека е соодветен за вашето здравје. Постапката погледнете ја во видео прилогот ОВДЕ:
