Слатко од сливи без ВАРОВА ВОДА
Овој рецепт за домашно слатко од сливи е проверен и усовршуван повеќе од 20 години. Без употреба на варова вода, овој метод гарантира природен вкус и цврсти плодови кои не се распаѓаат за време на готвењето.
Со едноставни состојки и прецизна постапка, ќе добиете слатко со совршен баланс на слаткост и арома, идеален за уживање во секое време, пишува НМД. Еве што ви е потребно:
Потребни состојки:
– 1 кг исчистени сливи
– 1 кг шеќер
– 400 мл ладна вода
– 2 кесички (40 г) сода бикарбона
– 500 мл ладна вода (за растворот со сода бикарбона)
– 1 лимон
– НМД
Постапка:
1. Изберете зрели, но цврсти сливи. При купување, земете околу 1,5 кг сливи за да добиете 1 кг по чистењето. Исчистете ги сливите од семките со помош на цврста пластична или метална сламка, прободувајќи ги внимателно при врвот.
2. Подгответе раствор од 500 мл ладна вода и 40 г сода бикарбона. Потопете ги исчистените сливи во растворот и оставете ги да отстојат 20 до 30 минути.
Потоа, отстранете ја лушпата со нож и вратете ги сливите повторно во растворот за да не оксидираат.
3. Во широко тенџере ставете 1 кг шеќер и прелијте го со 400 мл ладна вода. Оставете да зоврие, па додајте лимон исечен на тркалца и варете уште 15 минути.
4. Исцедете ги сливите од растворот со сода бикарбона и внимателно додајте ги во сирупот. Продолжете со варење на средна до висока температура 20 до 25 минути.
За време на готвењето, не мешајте со лажица; наместо тоа, нежно протресувајте го тенџерето во кружни движења за да ги зачувате плодовите цели. Собирајте ја пената што се формира на површината.
7. За да проверите дали слаткото е готово, земете малку сируп на тацна и оставете го да се олади. Ако е постигната саканата густина, слаткото е готово.
7. Откако ќе го тргнете од оган, покријте го тенџерето со чиста, влажна крпа натопена во ладна вода и добро исцедена. Оставете го да се олади целосно до следниот ден.
8. Префрлете го слаткото во чисти, стерилизирани тегли. Затворете ги со целофан и капаци.
9. Чувајте го на ладно и темно место.
Ова домашно слатко од сливи е вистинско уживање, совршено за појадок, десерти или како додаток на разни јадења. Уживајте во неговиот богат вкус и природна арома! Постапката погледнете ја во видео прилогот ОВДЕ:
