Фото и рецепт: Нермина Јордамовиќ
(може да се направи и во облик на торта)
Потребни состојки:
7 белки, изматете ги во снег и постепено додавајте
200 г шеќер, потоа со дрвена лажица промешајте
50 г брашно
200 г мелени ореви
Смесата излејте ја во намастена и набрашнета тепсија 35х20.
Печете околу 20-25 минути на 180 степени.
За крем:
Од 750 мл млеко одвојте колку да можете да промешате
7 жолчки
150 г шеќер и
2 пудинг од ванила
Остатокот од млеко ставете го на оган, па кога ќе зоврие сварете ја приготвената смеса и гответе 1-2 минути.
Потоа додадете:
150 г путер и добро измешајте.
Во половина од кремот промешајте
100 г кокос
а во другата половина
100 г растопено чоколадо за готвење.
Смесата со кокос премачкајте ја врз изладениот бисквит, а преку неа распоредете го чоколадниот крем.
Одозгора можете да нанесете чоколадна глазура па да декорирате или само да наросете со кокос и ореви.
