НАПОЛИТАНКА ТОПЧИЊА ЗА 15 МИНУТИ: Едноставни, брзи и многу вкусни…Според вкусот и состојките кои се користат за нивно приготвување, овие колачи најмногу потсетуваат на фереро топчињата. Еве што ви е потребно:
ПОТРЕБНИ СОСТОЈКИ:
200 г наполитанки со вкус на лешник
100 г чоколаден лешников крем – Нутела, еурокрем… (4 лажици)
За декорација:
150 г млечна чоколада
3 лажици сечкани лешници
ПОСТАПКА:
Сомелете ги наполитанките, додајте го лешниковиот крем по ваш избор и соединете ги состојките (додајте уште малку крем доколку е потребно, ако смесата е сува).
Растопете го чоколадото и измешајте неколку лажици ситно сечкани лешници. Со влажни дланки формирајте топчиња, валајте ги во чоколадо и посипете ги со сечканите лешници.
Ставете ги топчињата во фрижидер да се стегне чоколадото и послужете. Видеопрезентацијата можете да ја погледнете ОВДЕ.
