Во утринската програма на телевизија Курир, д-р Ивана Стефановиќ, специјалист по итна медицина даде корисни совети во врска со здравствените проблеми кои се јавуваат при високи температури.
Таа особено нагласи дека жештините најтешко ја поднесуваат постарите лица, особено кардиоваскуларните пациенти и дека е важно да се остане дома, во разладени простории.
Иако некои постари сограѓани можеби не се љубители на уреди за разладување како што се климатизерите, но д-р Стефановиќ истакна дека клима уредот е помалото зло и може да спаси многу животи за време на топлите денови.
Кога станува збор за пациентите кои боледуваат од астма, д-р Стефановиќ истакна дека високата влажност може да ги влоши симптомите.
За нив таа препорачува избегнување на храна богата со сложени јаглехидрати, бидејќи нивното дигестирање може да го зголеми респираторниот напор. Таа советува да консумирате помалку јаглехидрати и препорачува да пиете повеќе течности, како што се вода, лимонади или чаеви.
За одржување на енергијата на срцето, таа препорачува внесување на прости, односно брзи шеќери, како што е медот или слаткото овошје како што е лубеницата, кои содржат вода и прости шеќери кои организмот може брзо да ги искористи.
Кога станува збор за младите, д-р Стефановиќ нагласува дека високите температури можат да предизвикаат колапс, особено кај жените со понизок крвен притисок. Таа препорачува секогаш да имате при рака течности, како засладена лимонада или вода, како и солена храна за да се надополнат електролитите изгубени преку потта.
– Сакам да кажам дека здрава лимонада е онаа засладена со мед, но како и да ви се допаѓа – водата и чаевите се исто така одличен избор. Зошто тврдам дека треба да се засладат?
Затоа што на вашето срце му треба брз прилив на енергија. Колку и да внимавате на вашата тежина, земете малку здрави шеќери затоа што ви се потребни сега, или некое овошје како што е лубеницата – полно со вода и природен шеќер што ќе направи да се чувствувате добро.
Исто така, секогаш имајте нешто солено со вас, особено оние со понизок притисок. Препорачуваме здрави грицки како кикирики, лешници, бадеми – што сакате – рече Стефановиќ.
