Дали сакате да ги восхитите гостите кои го сакаат кокосот или да се почестите себеси и своите најмили? Со оваа торта од кокос нема да згрешите – нема никој да остане рамнодушен. Во неа се ужива со секој залак…
Потребни состојки:
6 белки
130 г шеќер
6 лажици брашно
130 г кокос
1 лажица прашок за печиво
Прво со миксер изматете ги белките, па додадете шеќер, па на крај со лажица додадете брашно, кокос и прашок за печиво. Тркалезен калап обложете со хартија за печење, излејте ја смесата и печете на 160 степени. Печената кора кога ќе излади пресечете ја хоризонатлно, така да добиете две кори.
За прелив:
260 слатка павлака
220 г бело чоколадо
130 г лупени мелени бадеми
Слатката павлака ставете ја на оган, па кога ќе биде врела (пред да зоврие) ставете го во неа белото чоколадо и мелените бадеми. Добро промешајте и оставете да излади.
За фил:
500 мл млеко
80 г шеќер
1 пудинг од ванила
6 жолчки
70 г путер
250 г слатка павлака за шлаг
Одвојте малку од млекото околу 100 мл, па во него промешајте го пудингот со жолчките, а остатокот од млекото заедно со шеќерот ставете ги на оган да зовријат. Сварете го пудингот со постојано мешање додека да згусне. Оставете да излади, па кога е млак, во него додадете го путерот. Целиот крем добро изладете го за да можете во него да ја вмешате измиксаната слатка павлака.
ФИЛУВАЊЕ: кора, прелив од бадеми, крем, кора, прелив од бадеми и крем.
coolinarika.com
