Кој еднаш го направи овој мајонез, повеќе нема да го сака купечкиот. Овој мајонез освен што е посен, многу е повкусен од обичниот, а се приготвува за само 52 секунди. Постапката е прелесна, па секој може да си го приготви овој вкусен намаз и да ужива во неговиот вкус. Еве што ви е потребно:
ПОТРЕБНИ СОСТОЈКИ: 200 мл масло, 100 мл соино млеко (или некое друго растително млеко), 1 лажичка сол (5 г), 1 лажичка мелен црн пипер (2 г), 1 супена лажица сенф (30 г), 1 супена лажица лимонов сок (10 мл)
ПОСТАПКА: Во висок длабок сад за матење или широка чаша ставете една чаша масло за готвење (најдобро е сончогледово, неутрално, но може и некое ладно цедено по ваш избор, па додајте половина чаша соино млеко.
Освен соино млеко може да употребите бадемово, оризово или какво било друго растително масло добиено од јаткасти плодови или житарици. Потоа додајте ги зачините, една лажичка сол и малку црн пипер (половина до една мала лажичка).
Она што ќе ја даде густината на мајонезот е сенфот, па додајте една полна супена лажица сенф или 30 г и на крај додајте малку свежо исцеден лимонов сок, приближно една супена лажица или по вкус.
Она што преостанува е да го ставите рачниот блендер целосно до дното во садот/чашата и да започнете со миксање. Ќе забележите дека за неколку секунди ќе почне да се формира густ слој со светла боја.
Започнете блендерот да ги движите постепено нагоре, но и да се враќате по малку надолу, по едно-две „скалила“ и сè така додека се згуснува смесата. Движете се горе-долу со блендерот уште неколку секунди.
Целата смеса треба да биде густа и изедначена. Вашиот мајонез е готов и можете да го претурите во соодветен сад и веднаш да го употребите за јадење, или да го сочувате во фрижидер неколку дена. Деталите од целата постапка погледнете ја ОВДЕ.
