Овие вкусни и брзи крофнички се меки и воздушести, а јогуртот во тестото ги прави да бидат уште понежни од што се. Но, вкусот од ванилата им дава една одредена специфичност, бидејќи не само што се вкусни, туку се и многу мирисни. Еве што ви е потребно:
ПОТРЕБНИ СОСТОЈКИ: 1 јајце, 1 јаболко, 2 супени лажици шеќер, 0,5 лажичка сол, 125 г густ „грчки“ јогурт од ванила (како замена може да користите кисела павлака со 1 лажичка ванилин екстракт), 3 супени лажици масло, рендана кора од портокал, 5 г прашок за печиво (0,5 кесичка или 1 мала лажичка), 250 г брашно. ЗА НАРОСУВАЊЕ: шеќер и цимет
ПОСТАПКА: Во еден подлабок сад скршете едно јајце, па додајте половина мала лажичка сол и две супени лажици шеќер, па убаво изматете со жица-маталка додека шеќерот да започне да се растопува во јајцето.
Потоа додајте 125 г ванила-јогурт, рендана кора од еден портокал (на ситната страна од рендето, само тенкиот портокалов надворешен слој), па повторно изматете додека да добиете хомогена смеса.
Додајте три супени лажици масло и промешајте за да се инкорпорира во смесата. Земете едно јаболко, излупете го, па исчекајте го на ситни коцкички и додајте го во смесата од јајца и јогурт.
Промешајте и додајте 250 г брашно помешано со 5 г прашок за печиво. Промешајте со лажица или шпатула додека да се впијат течностите во брашното, а потоа замесете со рака за поубаво да се изедначи тестото.
Ќе добиете средно меко тесто кое не се лепи за рака. Кинете мали парчиња од тестото, формирајте топчиња, а потоа валајте ги меѓу намастени дланки за да направите мали валјачиња. Формираните валјачиња оставете ги да одморат додека се загрева маслото на умерена температура.
Спуштајте ги во загреаното масло (1,5 см длабочина) и пржете ги од двете страни додека убаво да заруменат. Ќе забележите дека уште додека се пржат многу убаво мирисаат. вадете ги врз чинија обложена со хартиена салветка, а потоа валајте ги во шеќер помешан со цимет. Деталите погледнете ги во видеото ОВДЕ.
