Aјдучката трева е отпорна билка позната како столисник, а може да биде висока до 80 цм. Бојата на стеблото е светло зелена или црвено-кафеава. Има мноштво пердувести лисја. Целото растение има многу пријатен мирис. Малите лисвчиња се бели или виолетово-црвени.
Ајдучката трева расте покрај патиштата и во полјаните со континентална клима. Таа има бели цветови кои цветаат од јуни до август. Ајдучката трева се бере за време на цветањето во пролетните денови, а листовите се берат до есен.
![](https://nmd.mk/wp-content/uploads/2019/05/IMG_6740.jpg)
Надземниот дел на билката во времето на цветањето содржи 1% етерично масло, флавоноиди, витамин К, горчлива материја – ахилеин, смола и танини. Ајдучката трева е распространета низ цела Европа.
Расте на суви и на умерено влажни простори како ливади и пасишта. Добро ги поднесува и ниските и високите температури. Се собираат горните делови на билката или пак само цветовите кои се ситно бели собрани во соцветија во облик на штит.
![](https://nmd.mk/wp-content/uploads/2021/02/IMG_0858.jpg)
Стебленцето на билката нема лековити својства. Билката има специфична арома и горчлив вкус. Горчливиот вкус доаѓа од горчливата материја ахилеин. Оваа билка содржи и многу танини, провитамин А, витамин К, калиум, флавоноиди, инулин и етерично масло богато со пинен, цинеол и хамазулен.
Колку етеричното масло е побогато со хамазулен, толку бојата е поинтензивно сина. Хамазуленот е многу ценета состојка која се користи во производство на скапите креми и масла за сончање. Дејствува против воспаленија на слузокожа и кожа.
Ајдучката трева уште одамна се користела во народната медицина, а претставува омилено лековито средство кое се користи и во современата медицина. Најчесто се употребува кај желудечно-цревните заболувања, при грозница, зголемен кр-вен притисок, како средство за сопирање на кр-вавењето и при мозочни и срцеви тромбози.
Освен тоа, ајдучката трева се користи и како јако антибактериско средство против бактериите како стафилококи, Ешерикија коли, кандида и други микроорганизми. Во народната медицина се користи за зараснување на ра-ните и за намалување на бол-ката.
Ајдучката трева се користи во составот на некои чаеви за прочистување на организмот, за зголемено излачување на жолчна киселина, за нормализирање на метаболизмот и за смирување. Може да се користи и за испирање на ра-ни и за подготовка на купки и облози.
Поради присуството на витамин Ц, ајдучката трева се користи при кр-ваевње и при лекување на хемороиди. Горчливата состојка ахилеин, заедно со танините и витаминот К, ја прави билката погодна за сопирање на внатрешни и надворешни кр-вавења.
При користењето на ајдучката трева треба да се знае дека кај осетливите лица може да предизвика алерегија. Затоа лицата со чувствителна кожа треба да користат само млади, процветани билки, а чајот да го пијат во помали количини.
Во народната медицина познато е нејзиното лековито дејство во смирувањето на воспалението на кожата и слузокожата, во лекувањето на ра-ните и гнојните процеси.
Етеричното масло од ајдучката трева е ефикасно против гасови, болки и грчеви во стомакот. Цинеолот од ова масло ги уништува патогените микроорганизми и се употребува против цревните паразити.
Ајдучката трева се препорачува против дијареа, воспалени хемороиди и други цревни заболувања. Од истите причини се употребува против воспалени слузници на усната шуплина, грлото, при фарингит и ларингит.
Ајдучката трева ја зајакнува мускулатурата на матката и ја нормализира обилната меструација. Ајдучката трева ги намалува стомачните тегови, а доколку се комбинираат бањи од ајдучка трева пред менструацијата, нема да почувствувате никакви болки кога ќе дојде.
Екстрактите од ајдучка трева се делотворни и при цисти и воспаление на јајниците, миоми на матка и ендометриоза. Поради диуретичното дејство и изобилството на минерали, ајдучката трева се применува за лекување на бубрежните заболувања.
Како добар диуретик, таа го елиминира вишокот течности во организмот, поради што е корисна и при срцеви заболувања, особено против проблеми со циркулацијата. Се препорачува редовно да се користи при менопауза бидејќи ги ублажува тегобите и помага за намалување на потењето.
Цветовите и лисјата имаат лековити својства. Тие се сушат на ветровити места на температура од 35 до 50 °С. При сушење се чуваат во кутии заштитени од светлина во период од една година. Цветовите имаат ароматичен мирис и горчлив вкус.
Ајдучката трева се смета за една од најлековитите растенија на нашите простори. Во медицина се користи како антибактериско средство против Ешерихија коли, кандида и други бактерии. Се користи во органско одгледување овошје и зеленчук. Го збогатува природното ѓубриво и го спречува развојот на патогени бактерии.
I Рецепт: Класичен чај направен од ајдучка трева
Потребни состојки: 2 лажички суви цветови ајдучка трева, 200 мл вода.
Постапка: Прелијте ја билката со зовриена вода и поклопете ја чашата. Оставете да отстои 10 минути, а потоа процедете. Возрасните треба да пијат една чаша наутро и една пред спиење, а децата една мала чаша во текот на денот.
II Рецепт: Чај од ајдучка трева против астма
Потребни состојки: 200 мл вода, 50 г амброзија, 50 г ајдучка трева, 50 г цвет од лаванда, 50 г лист од бел слез.
Подготовка: Измешајте ги билките. Една лажичка од мешавината прелијте ја со топла вода, поклопете и почекајте да се излади чајот, а потоа процедете го и испијте го.
III Рецепт: Чај од ајдучка трева против хемороиди
Потребни состојки: 4 лажици амброзија, 2 лажици цвет од бабјак, 1 лажица лист од зеленика, 200 мл вода.
Подготовка: Измешајте ги билките и прелијте една лажичка мешавина со чаша зовриена вода. Поклопете и оставете чајот да отстои 10 – 15 минути. Процедете и додајте мед по желба. Консумирајте трипати на ден половина час пред оброк.
IV рецепт: Чај направен од ајдучка трева, коњско опавче и тегавец за хемороиди
Потребни состојки: 3 лажици ајдучка трева, 2 лажици коњско опавче, 2 лажици тегавец, 1 лажица млада дабова кора, 200 мл вода.
Подготовка: Земете една лажица од мешавината и прелијте ја со врела вода. Поклопете и оставете да отстои околу 15 минути, а потоа процедете и испијте пред јадење.
V Рецепт: Чај од ајдучка трева, коприва, анасон и пелин против хемороиди
Потребни состојки: 3 лажици ајдучка трева, 2 лажици лист од коприва, 2 лажици анасон, 1 лажичка пелин, 200 мл вода.
Подготовка: Измешајте ги билките и ставете една лажичка мешавина во водата. Оставете да отстои 15 минути, а потоа процедете и испијте го чајот.
VI Рецепт: Чај од ајдучка трева за третман на јајници
Потребни состојки: 1 лажичка ајдучка трева, 1 лажичка коприва, 1 лажичка невен, 200 мл вода.
Подготовка: Прелите топла вода врз една лажичка од смесата. Оставете да отстои два часа, а потоа процедете го чајот. Пијте три чаши на ден во период од три недели. За уште поголем резултат користете кантарионово масло за премачкување.
VII Рецепт: Чај од ајдучка трева за плодност
Потребни состојки: 1 лажичка ајдучка трева, 1 лажичка вркута, 200 мл вода.
Подготовка: Прелијте топла вода врз 1 лажичка од мешавината, поклопете и почекајте да се излади чајот. Засладете со мед и пијте трипати на ден.
VIII Рецепт: Ајдучка треба против камења во бубрегот
Потребни состојки: 20 г ајдучка трева, 20 г бреза, 20 г мечкино грозје, 20 г пченкарна свила, 1 л вода.
Подготовка: Прелијте три лажици од мешавината со топла вода. Оставете да отстои преку ноќ. Следниот ден процедете и пијте во текот на денот.
IX Рецепт: Чај од ајдучка за кандидијаза („бело пра-ње“)
Потребни состојки: 40 г ајдучка трева, 40 г камилица, 10 г жалфија, 10 г коприва, 1 л вода.
Подготовка: Измешајте ги билките и ставете четири лажици во зовриената вода. Поклопете го чајот и почекајте да се излади. Исплакнете ја ваги-ната со чајот додека да се воспостави нормалната флора.
X Рецепт: Ајдучка трева за нега на рацете
Потребни состојки: 2 лажици ајдучка трева, 300 мл вода.
Подготовка: Ставете ги билките во врела вода и варете уште три минути по зовривањето на водата. Оставете да отстои чајот 15 минути, а потоа процедете и кога малку ќе се подизлади, премачкајте ги рацете со чајот. Третманот повторувајте го додека рацете да ви омекнат. Овој чај може да го користат и доилките за премачкување на ран-ливите дој-ки. Текстот за НМД.мк го напиша Мартина Христовска