1 кг леб за 1 час (сметајќи без времето на стасување)…Дедовиот леб го јадеме за 5 минути, не чекаме да се олади…Мек како памучно облаче…
Дозволете ми да ве поведам на едно вкусно патување со рецептот за леб што го наследив од мојот дедо.
Овој леб е вистинско чудо – лесен како облак, мек и миризлив, готов за уживање само неколку минути откако ќе излезе од рерната!
Се пече брзо, се подготвува лесно, а состојките се едноставни и достапни за секого.
Овој рецепт е совршен и за почетници и за искусни пекари, а јас ги научив сите мои пријатели да го прават.
Подгответе го со љубов и радувајте се на среќните лица на вашето семејство додека го вкусат овој неодолив домашен леб, пишува НМД. Еве што ви е потребно:
Потребни состојки:
– 600 мл топла/млака вода
– 1 лажица шеќер
– 1 лажица сув квасец
– 3 лажици маслиново масло
– 900–1000 г обично брашно (количината може малку да варира во зависност од брашното)
– 1 лажица сол
– НМД
Постапка:
Во сад со 600 мл топла вода додајте 1 лажица шеќер и 1 лажица сув квасец. Мешајте додека шеќерот и квасецот целосно се растопат. Оставете ја смесата настрана неколку минути за квасецот да се активира.
Во смесата додајте 3 лажици маслиново масло. Ова масло ќе му даде на тестото еластичност и прекрасен ароматичен вкус. Промешајте повторно.
Постепено додавајте 900–1000 г брашно и 1 лажица сол. Препорачувам брашното да го додавате малку по малку, бидејќи точната количина може да зависи од видот на брашното што го користите.
Мешајте додека да се формира мазно тесто. Потоа месете го тестото со раце на работна површина околу 5–10 минути, сè додека да стане меко и еластично.
Формирајте го тестото во топка. Намачкајте сад со малку масло, ставете го тестото внатре и премачкајте ја површината со тенок слој масло.
Покријте го со крпа и оставете го да стаса на топло место околу 1 час. Тестото треба да стане воздушесто и лесно, како облак.
Откако тестото ќе стаса, поделете го на два дела. Потоа секој дел поделете го на 5 приближно еднакви парчиња (вкупно 10 топчиња).
Секое парче обликувајте го во топка, покријте ги да одморат 10 минути, а потоа со раце нежно развлечете го, преклопете ги краевите кон средината и повторно формирајте топка.
Ставете ги топчињата на плех обложен со хартија за печење, покријте ги со крпа и оставете ги да отстојат уште 40 минути.
Направете мали засеци на површината на секое топче со остар нож. По желба премачкјате го со вода и посипете сусам (не мора).
Загрејте ја рерната на 200 °C и печете ги лепчињата 15 минути. Потоа намалете ја температурата на 180 °C и печете уште 20 минути, додека да добијат убава златна боја.
Извадете го лебот од рерната и оставете го да се излади целосно – иако, верувам, едвај ќе чекате да го пробате!
Уживајте во неговиот неодолив вкус и арома, свежо испечен и направен со многу љубов.
Овој леб е толку мек и лесен што ќе ви се топи во уста. Совршен е за појадок, вечера или едноставно како ужина со малку путер.
Подгответе го за вашите најблиски и уживајте во магијата на домашната пекарница! Деталите од постапката можете да ги погледнете ОВДЕ:
https://youtu.be/1szLD-ODMfo?si=2ferF-t-9zxhXXtG
