Брз десерт без печење за слабеење
Овој вкусен и здрав десерт се подготвува за само пет минути, без рафиниран шеќер, без печење и без крем.
Совршен за оние што сакаат да уживаат во слатко задоволство, а истовремено да се грижат за својата линија.
Комбинацијата од чиа семе и свежо овошје создава лесен и освежителен десерт кој е идеален за секое време од денот, пишува НМД. Еве што ви е потребно:
Потребни состојки
– 100 г чиа семе
– 480 мл бадемово млеко
– 60 мл мед (или засладувач по вкус)
– 50 г свежи малини
– 100 г свежи јагоди
– 50 г стевија
– 1 лажица пченкарен скроб
– НМД
Постапка
1. Во сад измешајте 100 г чиа семе со 480 мл бадемово млеко. Додадете 60 мл мед или засладувач по ваш избор. Оставете ја смесата да отстои 20 минути за чиа семето да набабри и да ја впие течноста.
2. Во тенџере ставете 50 г свежи малини, 100 г свежи јагоди и 50 г стевија. Гответе на средна температура околу 5 минути, мешајќи повремено, додека овошјето не омекне и не пушти сок.
3. Додадете 1 лажица пченкарен скроб во тенџерето и мешајте додека смесата не се згусне. Потоа, со рачен блендер изблендирајте го овошјето за да добиете мазна и хомогена смеса.
4. Во десертни чаши распоредете половина од смесата со чиа семе. Врз неа ставете слој од овошниот фил, а потоа дополнете ги чашите со преостанатата смеса од чиа.
5. По желба, декорирајте со свежо овошје и послужете веднаш или оставете во фрижидер да се излади пред сервирање.
Овој десерт е брз, здрав и вкусен избор за секој што сака да ужива во слатко без грижа на совест! Постапката погледнете ја во видео прилогот ОВДЕ:
https://youtu.be/fixc58wLqnM?si=ceJYV9ZovW7gKhgp
