Брз и вкусен чоколаден колач.
Потребни состојки:
2 шолји брашно
2 шолји шеќер
1 прстофат сол
4 лажици какао
200 г путер
1 шолја врела вода
½ шолја немасен јогурт или матеница
2 јајца
1 лажичка сода бикарбона
1 лажичка екстракт од ванила
За глазура:
½ шолја сечкани ореви
175 г путер
4 лажици какао
6 лажици млеко
1 лажичка екстракт од ванила
400 г шеќер во прав
Постапка:
Во сад за матење ставете шеќер, брашно и сол. Во сад на шпорет ставете го путерот и оставете да се растопи на тивок оган.
Потоа додајте го какаото, додајте врела вода и оставете да проврие околу 30 секунди. Оваа смеса излејте ја во брашното, промешајте и оставете да излади.
Во посебен сад ставете го јогуртот, јајцата, сода бикарбона и ванилата, па добро изматете. Потоа додајте ги останатите состојки и мешајте додека да добиете еднолична смеса.
Тестото излејте го во голем плех претходно намастен и печете во загреана рерна на 175 степени, 20 минути.
Додека се пече колачот, пригответе ја глазурата. Во еден сад растопете го путерот, додајте какао и промешајте.
Тргнете го од оган, додадете млеко, ванила и шеќер во прав. Мешајте додека сите состојки да се соединат. На крај додајте ги сечканите ореви и прелијте преку топлиот колач.
Оставете да излади, па сечете го на коцки и послужете.
