Пролетта е време за средување на просторот за живеење или канцеларијата. Не треба да го менувате целиот мебел за да внесете целосно нов и поинаков изглед во собата. Само еден ефикасен детал е доволен за да го направите просторот модерен и креативен.
Ѕидните часовници се секогаш практична декорација што ќе направи просторијата да изгледа сосем поинаква. За најмладите, ѕидниот часовник во форма на балон е секако одличен избор.
Црната монтажна полица е повеќенаменска – може да послужи како мини библиотека за книги и / или списанија, може да биде кујнски елемент, може да се стави во бањата или во спалната соба. Што и да замислите е можно со неа.
Ходникот е просторија што му дава прв впечаток на гостинот кога ќе влезе во вашиот стан, куќа или работно место. Затоа е многу важно тој да биде наместен така што гостинот да се чувствува добредојден.
Модерните 3Д ѕидни часовници станаа еден од најпопуларните трендови на украсување. За нив не се потребни многу пари, се монтираат многу лесно, а се што ви треба е празен дел од ѕидот.
T4311B е еден од најбараните модели. Црна боја, со мешавина од букви и бројки со висок сјај и различни големини навистина му дава посебен изглед на просторот и привлекува задоволство на сите.
ПРОЛЕТНО ЧИСТЕЊЕ: Еве како темелно да исчистите домот кој нема да се валка со месеци
Старите домаќинки знаат дека куќата темелно се чисти двапати годишно: пред доаѓањето на пролетта и пред доаѓањето на зимата. Добро е ако имате помош од други раце. Ако немате помош, темелното чистење на вашиот дом сигурно ќе трае неколку дена.
Нека ве води начинот на средување на куќата на старите домаќинки: правилото од таван кон подот.
Расчистување
Пред да започнете со чистење, заменете ја зимската облека со летна, спакувајте ја и ставете ја во куфери или на некое друго место во гардероберот. Подарете сè што е непотребно. Одете од соба во соба, вратете ги работите на место, а се непотребно што го зафаќа просторот, фрлете го во ѓубре.
Извадете ги завесите, истресете ја прашината. Прво, извадете ја пајажината од ѕидовите (доколку има) и од аглите на просторијата. Отстранете ја прашината и од врвовите на орманите и кујнските елементи. Целата прашина паѓа врз мебелот, па прекријте ги чувствителните делови со крпа. Правосмукајте ги и не заборавајте да ги исчистите теписите пред зимата.
Ролетни
Избришете ги од прашина, а ако се мобилни и се откачуваат, однесете ги во када, исплакнете ги со туш и оставете да се исушат пред да ги закачите повторно.
Прозорци и врати
Прозорците бришете ги со крпа од двете страни на стаклото и рамката. Внимавајте при бришењето на стаклото да не оставате дамки.
Теписи и мебел
Мебелот насобира нечистотии и непријатни мириси, многу е важно да се освежи и дезинфицира. Може да направите и чистење со сода бикарбона, оцет и лимоново масло. Попрскајте го мебелот и избришете го по половина час. Правосмукајте ја прашината од креветите, душеците и перниците, а потоа дезинфицирајте. Постелнината менувајте ја на 2 седмици, а 1 седмично изнесете ги на воздух да се излуфтираат.
Книги
Тие се одлични собирачи на прашина. Ако имате стаклени полици за книги, доволно е да ја избришете прашината под и околу нив. Ако книгите се на отворено, исчеткајте ги со мека четка и вратете ги на место.
Кујна
Поместете го шпоретот, фрижидерот и долните елементи на кујната подалеку од ѕидот, зад нив честопати стојат разни „чyдa“. Кога ќе ги исчистите тие невидливи делови, посветете се на чистење на рерната, чистење на фрижидерот, миење на микробранова печка, машина за миење садови. Потоа повторно наредете ги ги чашите, чашите и чиниите. Измијте го мијалникот, плочките и кујнските елементи.
Отфрлете ги намирниците со истечен рок на траење, празни шишиња, вишок амбалажа. Ова се мали работи кои ја преполнуваат просторијата. / Текстот за НМД.мк го напиша Мартина Христовска
