Вкусни пилешки крилца во домашна маринада – прсти да излижеш!

Loading...

Фото и рецепт: Маја Митиќ

Овие крилца имаат вкус како да се карамелизирани, многу се вкусни, особено за мезе перфектно одговараат.

Потребни состојки:

1 кеса пилешки крилца Перутнина Птуј
Маринада:
2 лажици мед
2 лажици кечап
2 лажици сенф
1 лажица балсамико оцет
1 лажиче чили во прав или лут буковец

Сол и зачини: вегета, кари, бибер, рузмарин, магдонос, лук во прав
100 мл (1/2 чаша) вино

Постапка:

Крилцата се мијат убаво и се сушат со салветка. Потоа се солат по вкус и се тријат со зачините.

Во посебен сад се мешаат мед, кечап, сенф, балсамико оцет и чили во прав. Се премачкуваат крилцата убаво од сите страни и се редат во тепсија обложена со хартија за печење.

Се наросува малку масло и се полева половина чаша бело вино (или какво имате).

Се печат во загреана рерна на 200-220 степени додека да заруменат.

Фото и рецепт: Маја Митиќ
Од Македонска кујна, некогаш и денес

Loading...