Витаминска посна чорба со спанаќ – сè што денес ви е потребно, мевлем за душа и тело

Рецепт и видео презентација на Јелена Петровиќ од Бабината кујна – Витаминска чорба со спанаќ.

Ова е убава здрава чорбичка со спанаќ која може да се послужи пред главното јадење, но може да се послужи и како главно јадење бидејќи е богата со хранливи материи и заситна е.

Состојките по желба може да ги додавате или одземате, а со оризот се постигнува густина. Освен ориз, може да го изгмечите сварениот компир, па на тој начин да ја постигнете саканата густина.

Потребни состојки:

1 врзоп млад кромид или 1 главица стар кормид
2 поголеми моркови
1 голем корен пашканат или од магдонос
2 помали компири
200 – 300 г спанаќ
4 лажици ориз
2 чешниња лук
масло
сув зачин, црн пипер, магдонос

Постапка:

Спанаќот добро измијте го, исцедете го и ситно исечкајте го. Морковот ситно исчекајте го или изрендајте го, па на малку масло пропржете го (ренданиот морков, а вториот исечете го на тркалца и малку подоцна додадете го).

Младото кромитче исто така ситно исечкајте го на крукчиња, како и пашканатот, па додадете ги во динстаниот морков. Промешајте и оставете малку да се динста под капак.

Потоа додадете го спанаќот, ситно сечкано лукче, сечканите компири, па кога ќе омекне малку зеленчукот налејте вода, додадете ориз и зачини, па гответе додека зеленчукот да омекне. Пред крајот додадете ситно сечкан свеж магдонос. Деталите од целата постапка можете да ги погледнете ОВДЕ.

Loading...