Ако се сеќавате, овие колачиња ни ги правеа мајките кога одевме на екскурзија.
Фото и рецепт: Елена Мишковска
Потребни состојки:
2 изматени јајца
1 чаша од 200 мл шеќер
1 чаша јогурт
½ чаша масло
1 прашок за печиво
1 рамна лажица сода бикарбона
700 г брашно +-
200 г суво грозје
Постапка:
Се замесува тесто од 2 јајца, 1 чаша шеќер, 1 чаша јогурт
½ чаша масло, 1 печиво, 1 рамна лажица сода бикарбона и околу 700 г брашно.
Тестото не е многу меко. Откако убаво ќе се изедначи, се додаваат 200 г суво грозје, па повторно се меси.
Се кинат топчиња како помало јајце, малку се плескаат и се редат во намастена тепсија.
Се печат на 200 степени околу 20 минути. По желба се премачкуваат со претходно направен густ шербет и се враќаат уште 2-3 минути во рерна.
