„Татлии“ е турски универзален назив за слатко, слатки со шеќерен сируп, па под овој назив можете да најдете разновидни рецепти кои се разликуваат во некои состојки, но сите се сочни и шербетни.

Ова е еден стар рецепт, а тестото се приготвува со квасец. Многу се вкусни и не можете да се запрете на само едно парче. Рецепт на Сунчица Савич Стојанович.

Татлии: Рецепт и фотографии на Сунчица Савич Стојанович.




ПОТРЕБНИ СОСТОЈКИ: 1 кесичка сув квасец (10 г), 1 лажица шеќер, 3 мали шолји (за кафе од 80 мл) млеко, 3 шолји масло, 3 јајца, 700 г брашно. ЗА СИРУП: 700 мл вода, 700 г шеќер и 1 кесичка ванилин шеќер (10 г)

Татлии: Рецепт и фотографии на Сунчица Савич Стојанович.




ПОСТАПКА: Рзматете го квасецот со малку млако млеко, шеќер и неколку лажици брашно, да добиете мазна смеса без грутчиња. Оставете на топло место 10-тина минути додека квасецот да се активира и да се појават меурчиња.




Во активираниот квасец додајте го остатокот од млакото млеко, маслото и јајцата, сите состојки отстојани на собна температура. Со постепено додавање на брашното замесете убаво мазно тесто кое не се лепи за рака.

Татлии: Рецепт и фотографии на Сунчица Савич Стојанович.




От тестото кинете мали парчиња и формирајте топчиња (приближно да тежат по 30 г). Во една чинија ставете 10-20 г брашно, па секое топче прво валајте го во брашното, а потоа на боцкавата страна од рендето за да се формираат шарите (на овој начин полесно се прават).




Малку развлечете ги за да добиете валјак, па татлиите редете ги во намастен плех, на одредено растојание, бидејќи при печењето малку ќе нараснат. Оставете ги 15-тина минути додека рерната се загрева на 200 степени, па ставете ги да се печат.

Татлии: Рецепт и фотографии на Сунчица Савич Стојанович.




После 15 минути печење на 200 степени, намалете ја температурата на 160-170 степени и печете ги уште 10-15 минути. Следете го печењето на крајот, зошто секоја рерна различно пече. Татлиите треба да бидат румени. Кога се печени оставете ги на страна да се ладат.




ЗА СИРУП: Во тенџере ставете ги водата, шеќерот и ванилата, па од моментот на зовривање, намалете на умерен оган и варете 12 минути. Најдобро е сирупот да се приготви еден ден претходно за да има време да се олади, па во него да се ставаат топлите татлии, но може и обратно.

Најдобро е да отстојат еден ден, ако се убаво печени тие пливаат во сирупот, па дури подоцна паѓаат на дното. Рецепт на Сунчица Савич Стојанович.

Татлии: Рецепт и фотографии на Сунчица Савич Стојанович.