Фото и рецепт: Родна Трпеска
Потребни состојки:
1 кг брашно
5 јајца (2 цели + 3 жолчки)
150 мл млеко
150 мл масло
Се домесува со кисела вода. Се меси убаво мазно тесто кое се дели на 7 делови, а од секој дел се вадат по 5 топчиња.
Секое мало топче се сучи колку малку чинивче. За сучење на користе јас користам нишесте.
Се мачкаат со путер и се редат едно врз друго, па се сучи голема кора. Значи, се добиваат 7 големи кори.
ФИЛ:
700 г мелени ореви
3 лажици шеќер
И неколку лажици путер, се меша и филот се дели на 7 дела.
На секоја кора се реди фил, па се витка кората и се полни плехот.
Се сече по желба и се става да се пече околу 1 час и 15 минути.
Пред печење се потура со остатокот од путерот што останал, а треба да се искористат 2 пакувања од 250 г, или еден путер и еден маргарин. Значи дел се користи за премачкување на корите, а остатокот се топи и се потура одозгора пред печење.
ШЕРБЕТ:
1 кг и 800 г шеќер
900 мл вода
1 лимон
Шербетот се вари неколку минути и се додава сечканиот лимон, па се прелива баклавата.
