Старински кифлички со џем од сливи – меки и свежи со денови
Овие старински кифлички со џем од сливи се вистинско ремек-дело на традиционалната кујна.
Со нивната неверојатно мека текстура, слична на облак, и богат вкус на домашен џем, тие се совршени за уживање со кафе или чај, за послужување на гости или како срдечен домашен подарок.
Остануваат свежи дури и по неколку дена, што ги прави идеален избор за секоја пригода. Пробајте го овој едноставен, но неодолив рецепт и уживајте во магијата на старинските вкусови, пишува НМД. Еве што ви е потребно:
Потребни состојки
За тестото:
– 300 мл млако млеко
– 2 јајца
– 200 мл масло
– 100 г шеќер
– 8 г сув квасец или 25 г свеж квасец
– 700 г брашно
– 18 г ванилин шеќер (2 кесички)
– џем од сливи за полнење
– НМД
За сируп:
– 200 г шеќер
– 300 мл вода
За посипување:
– 100 г кокосови трошки
Постапка
1. Во сад со млако млеко додадете го квасецот, шеќерот и малку брашно. Промешајте, покријте со крпа и оставете да отстои 5 минути за да се активира квасецот.
2. Во активираниот квасец додајте масло, јајца и ванилин шеќер. Постепено додавајте го брашното и замесете меко тесто кое не се лепи за рацете. Треба да се искористат околу 700 г брашно.
3. Покријте го тестото и оставете го да нарасне на топло место околу 15 минути.
4. По нараснувањето, поделете го тестото на 5 еднакви топчиња. Секое топче развочете го во тенка кора, што потенко толку подобро. Исечете ја кората на 8 триаголници.
5. На секој триаголник ставете по една полна лажичка џем од сливи. Преклопете ги краевите одстрана, притиснете и свиткајте во форма на кифличка, внимавајќи да го зачувате џемот внатре.
6. Наредете ги кифличките во плех обложен со хартија за печење, оставајќи мал простор меѓу нив. Оставете ги да отстојат уште 15 минути пред печење.
7. Во меѓувреме, подгответе го сирупот: во сад ставете 200 г шеќер и 300 мл вода, варете 5 минути до лесно згуснување, па оставете да се излади.
8. Печете ги кифличките во загреана рерна на 180°C околу 15 минути, додека не добијат лесна златна боја.
9. По печењето, додека се уште топли, лесно премачкајте ги со изладениот сируп и посипете ги со кокосови трошки.
10. Оставете ги кифличките да се изладат, а потоа чувајте ги во затворена кутија на ладно место. Остануваат меки и свежи неколку дена.
Овие кифлички се вистински спој на традиција и вкус. Уживајте во нивната мекост и арома, и споделете ги со вашите најблиски! Постапката погледнете ја во видео прилогот ОВДЕ:
