Стар, помалку заборавен рецепт “Мамина мрсна тортичка” – се приготвува многу брзо и многу лесно

Фото и рецепт: Даница Данче Стојева

Овој колач одлично одговара со кафенце, млеко, чајче…буквално со сè! Рецептот го објави нашата драга Данче Стојева во групата НМД рецепти.

Потребни состојки:

4 јајца
4 филџани (мали, за кафе) шеќер
4 филџани млеко
2 филџани масло
8 филџани брашно
1 прашок за печиво
1 ванилин шеќер
1 лажица какао
100 г сечкани ореви

Постапка:

Со миксер се матат јајцата со додавање на шеќерот и ванилата, околу 5 минути. Потоа се додаваат останатите состојки: маслото, млекото, брашното помешано со прашок за печиво, оревите. Се промешува со лажица.

Половина од смесата се истура во намастен и набрашнет плех, а во другата половина се промешува какаото.

Кафеавата смеса се истура врз белата и се прошарува. Се става да се пече околу половина час во претходно загреана рерна на 180 степени.

Смесата е доволна за среден или голем плех од рерна, во зависност од големината на филџаните што ќе ги користите.

Фото и рецепт: Даница Данче Стојева

Loading...