Брза торта од слатка и кисела павлака со лешници и ореви, само матете и редете. Еден од најдобрите рецепти за бела, снежна торта, мојата омилена, која не се пече и се прави навистина брзо. Во продолжение може да прочитате уште еден рецепт за Павлова торта со целуфки (пуслици).
ПОТРЕБНИ СОСТОЈКИ: 500 мл течна павлака за шлаг, 500 мл кисела павлака, 150 г шеќер, 150 г чоколадо, 10 парчиња бисквити, мелени, малку дробени лешници, ореви, бадеми, а можете само ореви или по ваш вкус.
ПОСТАПКА: Изматете го шлагот. Додајте кисела павлака и шеќер, па добро изматете со миксер. Растопете го чоколадото на пареа. Во калап ставете 1/3 од смесата, наросете ½ мелени бисквити, лешници, ореви и бадеми, па прелијте со половина од чоколадото.
Повторно ставете од смесата со шлаг, па повторете ја постапката со бисквитите, лешниците и чоколадото. Одозгора ставете ја преостанатата смеса. Оставете преку ноќ да се замрзне. Пред послужување извадете ја 15-тина минути за полесно да се сече. Послужете со чоколаден прелив, прелив од вишни или нешто по сопствен избор.
ПАВЛОВА ТОРТА: снежно бела за сите љубители на целуфки Фото и рецепти на Елена Мишковска и Снежанка Жанче. ЗА КОРАТА, ОСНОВЕН РЕЦЕПТ: 5 белки, 1 прстофат сол, 200 г шеќер, 1 лажица густин/нишесте/скроб, 1 лажица ал-кохолна киселина или лимонов сок.
![](https://nmd.mk/wp-content/uploads/2022/01/Screenshot-2022-01-25-204202.png)
ПОСТАПКА: Белките се матат пенасто со прстофат сол, се додава шеќерот кога ќе добиеме цврст шлаг кој не паѓа, се додава лимоновиот сок и нишестето, но сега се меша со шпатула или дрвена лажица.
![](https://nmd.mk/wp-content/uploads/2022/01/Screenshot-2022-01-25-204215.png)
За ова време рерната ја вклучуваме на 130 степени да биде веќе загреана кога ќе завршиме со матење. На претходно обликувана хартија за печење (сечеме поголем круг), ги нанесуваме изматените белки и се оставаат нерамнини (да остане неизрамнето).
![](https://nmd.mk/wp-content/uploads/2022/01/Screenshot-2022-01-25-204232.png)
Ги ставаме во рерна на сушење 90 минути за кое време рерната не треба да се отвора. По изминатото време ја отвораме рерната и оставаме да се излади кората внатре. На добро изладената кора се нанесува кремот, без измазнување.
![](https://nmd.mk/wp-content/uploads/2022/01/Screenshot-2022-01-25-204246.png)
ЗА КРЕМ: 5 жолчки, 6 лажици шеќер во прав, 500 мл слатка павлака за шлаг. ПОСТАПКА: 5 жолчки изматени со 6 лажици шеќер во прав се матат на пареа додека да згуснат, околу 15 минути, па кога ќе изладат се соединуваат со претходно изматената слатка павлака.
Убаво се изедначува и нанесува врз кората. Декорацијата со јагоди се прави непосредно пред послужување. Фото и рецепт: Елена Мишковска (Павлова торта со јагоди) Фото: Снежанка Жанче (Павлова снежна торта со пуслици) За снежната торта дополнително се прават пуслици и рафаело топчиња, па се декорира одозгора.
![](https://nmd.mk/wp-content/uploads/2022/01/Screenshot-2022-01-25-204259.png)