Потребни состојки:
4 јајца
200 г шеќер
200 г кисело млеко
125 г маст/путер/маргарин
1 коцка свеж квасец
1 лажичка сол
1 лимон – кора рендана
1 ванилин шеќер
125 мл млако млеко
50 мл млеко за растворање на квасецот
1250 г меко брашно
Уште ќе ви биде потребно:
1-2 жолчки за премачкување
Џем
Кристален шеќер за наросување
Постапка:
Во топло млеко растворете го квасецот, додадете една лажица шеќер и една лажица брашно.
Оставете да се активира. Јајцата изматете ги со виљушка, додадете шеќер, ванилин шеќер, млако млеко, сол, кора од лимон, кисело млеко, омекнат путер и просејано брашно, па додадете во течната смеса.
Измесете меко тесто и оставете на топло да се удвои.
Потоа поделете го на топчиња од 100 г кои ќе ги развлечете во вид на елипса. На едниот крај ставете џем и свиткајте како ролати.
Кифлите редете ги на плех обложен со хартија, можете да ги редите поблиску од обично.
Оставете ги повторно да нараснат. Пред печењето намачкајте ги со жолчка и наросете ги со шеќер.
Печете ги на 180 степени додека да добијат златно кафеава боја.
