Рецепт за свеж сируп од калинка – има повеќе антиоксиданти од црното вино

Фото и рецепт: Мирјана Савиќ

Свежиот сируп од калинка е побогат со антиоксиданти од црното вино. Овој сируп има киселкасто – сладок вкус и прекрасна рубин боја.

Потребни состојки:

1,5 кг бобинки калинка
1 кг интегрален или обичен шеќер
1 лимон

Постапка:

Калинката измијте ја, расечете ја, па отстранете ја кората и белата тенка опна. Оваа беложолтеникава обвивка мора да се отстрани целосно зошто во спротивно ќе му даде горчлив вкус на сокот.

Во голема тегла или сад ставете рер бобинки, па преку нив наросете ред шеќер, малку притиснете и така редете до врвот.

Теглата затворете ја и оставете ја пет денови додека да се одвои целосно сокот од бобинките и да останат само семките.

Секој ден мора содржината добро да се промежува и да се притиска и тоа по два-три пати.

(Некои овој процес го забрзуваат така што бобинките ги ставаат во блендер, па потоа ги процедуваат низ газа).

Кога семчињата ќе испливаат во горниот слој, сирупот се процедува, се додава сок од лимон, се промешува и се складира во стерилни шишиња.

Вака приготвениот свеж сок од калинка треба да се чува во фрижидер до 10 дена, но сигурно ќе се испие веќе првиот ден.

Може да користите како додадок на коктели, овошни салати, а може да се употреби за приготвување на овошно желе и овошен крем.

Фото и рецепт: Мирјана Савиќ

Loading...