ПИШИИ – ТРАДИЦИОНАЛЕН РЕЦЕПТ ЗА ВКУСНИ ПРЖЕНИ ПЕЧИВА
Пишиите се омилено јадење во многу домаќинства, подготвени со едноставни состојки и лесна постапка што гарантира меки и воздушни печива со крцкава кора.
Овој рецепт, пренесен од генерација на генерација, е совршен за појадок, ужина или лесен оброк, а може да се комбинира со различни филови по ваш вкус.
Следете ги чекорите за да подготвите пишии што ќе ги воодушеви сите околу трпезата, пишува НМД. Еве што ви е потребно:
Потребни состојки
– 200 мл топла вода
– 125 мл топло млеко
– 10 г сув квасец
– 6 г шеќер
– 1 јајце
– 15 мл оцет
– 6 г сол
– 400 г брашно
– 400 мл масло за пржење
– По желба: ситно сирење или друг фил за полнење
– НМД
Постапка
1. Во подлабок сад, измешајте 200 мл топла вода, 125 мл топло млеко, 10 г сув квасец и 6 г шеќер. Оставете ја смесата да отстои 3 минути за да се активира квасецот.
2. Додајте 1 јајце и 15 мл оцет, па измешајте добро.
3. Постепено додавајте 400 г брашно, заедно со 6 г сол, и мешајте додека да се формира меко тесто што малку се лепи за рацете. Тестото треба да биде со мека и еластична конзистенција.
4. Покријте го садот со чиста крпа и оставете го тестото да ферментира на топло место 1 час или додека го удвои волуменот.
5. По ферментацијата, намачкајте ги рацете со малку масло и нежно соберете го тестото. Поделете го на парчиња со големина на мандарина.
6. Секое парче рачно развлечете го во тенок круг, ставете фил по желба (на пример, ситно сирење), преклопете го, па внимателно затворете го тестото за да се формира долгнавеста мекица.
7. Оставете ги обликуваните пишии да отстојат 5 минути.
8. Во длабок сад загрејте 400 мл масло на температура малку под висока. Внимателно ставајте ги пишите во врело масло и пржете ги, полевајќи ги со масло за да нараснат рамномерно.
9. Кога едната страна ќе добие златнокафеава боја, превртете ги да се испржат и од другата страна.
10. Откако ќе се испржат, извадете ги пишиите на кујнска хартија за да се исцеди вишокот масло.
11. Послужете ги топли, со крцкава кора и мека внатрешност, заедно со омилениот додаток.
Добар апетит! Постапката можете да ја погледнете во видео прилогот ОВДЕ:
