Потребни состојки:

2 листа поголеми обланди

1 лист рафаело обланди (со големи вдлабнатини)

За бел фил:

300 г шеќер

200 мл вода

125 г путер/маргарин

100 г бело чоколадо

200 г млеко во прав

150 г кокос

За темен фил:

300 г шеќер

200 мл вода

125 г путер/маргарин

100 г црно чоколадо

200 г млеко во прав

350-400 г мелени бисквити (количината зависи од видот на бисквитите)

Постапка:

Пригответе го светлиот фил за рафаело обландата: Во еден сад на оган ставете 300 г шеќер, 200 мл вода. Кога ќе зоврие оставете 3-4 минути, па додадете путер и бело чоколадо да се растопи. Тргнете од оган и додадете млеко во прав, добро изматете со миксер за да нема грутчиња, па додадете кокос и измешајте со лажица.

Топлата смеса ставете ја врз рафаело обландата, пополнете ги вдлабнатинките и израмнете. Преку тоа ставете лист обична обланда и превртете така да горниот дел да биде листот на рафаело обландата.

Пригответе го темниот фил: Во еден сад на оган ставете 300 г шеќер и 200 мл вода. Кога ќе зоврие оставете 3-4 минути, па додадете путер и црно чоколадо да се растопи. Тргнете од оган и додадете млеко во прав. Добро изматете со миксер за да нема грутчиња. Додадете ги мелените бисквити и добро промешајте со лажица.

Топлата смеса ставете врз рафаело обландата, исполнете ги вдлабнувањата и израмнете. Одозгора ставете втор лист обична обланда, со ребрастиот дел свртен кон филот.

Оптеретете со нешто тешко и оставете во фрижидер да излади, па сечете на штангли.