Фотографија и рецепт на Марина Трајковска. Потребни состојки: 5 шолји газирана вода, 5 шолји пченкарно брашно, 3 шолји масло, 3 шолји гриз, 1 лажичка цимет, 1 кесичка суво грозје, 100 г сечкани ореви + за наросување одозгора, 1 прашок за печиво и 1 ванилин шеќер
За шербет: 250 мл вода, 250 г шеќер и 1 ванилин шеќер. Постапка: Сите состојки се мешаат во една поголема вангла и се матат со маталка додека да се изедначи смесата и да биде без грутчиња.
Се излева во намастен плех со средна величина (бр.32) и се пече на 200 степени. Се проверува со чепкалка дали е печено.
![](https://nmd.mk/wp-content/uploads/2019/07/3F336D25-AF79-474A-B049-EDF17DE2B46C-e1564603295565.jpeg)
Кога е готов печен колачот се вади од рерна и се остава да се излади (се проверува со чепкалка дали е печен – ако чепкалката излезе сува, тогаш колачот е готов), а потоа се сече на коцки. Потоа се вари шербетот и се прелива изладениот колач. Значи, колачот ладен, шербетот топол.
![](https://nmd.mk/wp-content/uploads/2019/07/81C97D6B-DC02-4067-816B-EF6A4B07C9D5-e1564603377591.jpeg)
Кога ќе биде впиен шербетот, колачот одозгора се премачкува со вашиот омилен џем или мармалад во тенок слој преку целата површина и се наросува со мелени или крупно сечкани ореви. Може да наросите и кокос, мелени посни кекси или некое друго јаткасто овошје.
![](https://nmd.mk/wp-content/uploads/2019/07/AF25CF13-3F0E-42B7-930A-D02B552BCFD7-e1564603445967.jpeg)
Посен колач со гриз и ореви (Фото и рецепт Марина Трајковска)