ПОСНА ШАРЕНА ПИРАМИДА БЕЗ ПЕЧЕЊЕ И БЕЗ ШЕЌЕР
Овој брз и елегантен посен десерт се подготвува за неколку минути, а резултатот е вистинско чоколадно ремек-дело.
Две слоевити смеси – бела со сува брусница и темна со пржени лешници – создаваат хармоничен контраст на вкусови и текстури, без капка шеќер и без печење.
Потребни состојки
За белата смеса
150 г посна бела чоколада
20 г посен маргарин
1 супена лажица ливадски мед
80 г сува брусница
За темната смеса
150 г посна црна чоколада
20 г посен маргарин
1 супена лажица ливадски мед
80 г пржени крупно мелени лешници
НМД
Дополнително
хартија за печење
калап за пирамида
Постапка
Подгответе го калапот така што ќе го обложите со хартија за печење.
За белата смеса: во сад над пареа растопете ја белата чоколада со маргаринот и медот додека се изедначи смесата.
Промешајте ја брусницата. Брзо префрлете ја смесата во калапот, рамномерно распоредете ја по дното и цврсто притиснете за да нема празнини.
За темната смеса: на ист начин растопете ја црната чоколада со маргаринот и медот, па промешајте ги лешниците. Прелијте ја смесата преку белата, израмнете ја и повторно цврсто притиснете.
Оставете го колачот во калапот да се стегне на собна температура два и пол часа. Потоа извадете го, излупете ја хартијата и исечете го на триаголници. Постапката погледнете ја во видео прилогот ОВДЕ:
