Вака приготвениот компир е сочен и заситува.

Потребни состојки:

1,5 кг компир

500 мл слатка павлака за готвење

200 мл млеко

100 мл масло

1 супа од печурки

Црн пипер, вегета, магдонос

Кашкавал по желба

Постапка:

Излупете го компирот и исечете го на тркалца. Зачинете го и убаво промешајте.

Супата во прав од печурки измешајте ја со павлаката(хоплата), да нема грутчиња, па додадете млеко и масло, па магдонос кој ситно сте го исечкале. Промешајте.

Компирот наредете го во тепсија 30см и прелијте со приготвената павлака и состојките.

Печете во загреана рерна на 200 степени 35-40 минути.

На кратко извадете и обилно наросете со рендан кашкавал колку што сакате.

Вратете да се допече околу 10- тина минути, додека да се растопи кашкавалот.