Потребни состојки:

околу 300 г исчистен спанаќ

2 јајца

100 г свежо сирење

50 г кисела павлака

150 мл јогурт

100 мл млеко

1 шолја (од 200 мл) пченкарно брашно

½ прашок за печиво

Брашно по потреба

Сол

Масло

Постапка:

Убаво измијте го спанаќот, исечкајте го на тенки ленти и оставете така да отстои 30 минути. Потоа исцедете го од вишокот вода.

Измешајте јајца, кисела павлака, сирење, јогурт, млеко и сол. Додадете го спанаќот, па пченкарно брашно и обично брашно додадете за да добиете смеса малку погуста од онаа за палачинки.

Добро измешајте.

Плехот намастете го па во него излејте ја смесата и печете на 200 степени околу 30-40 минути, во зависност од рерната. Јас печам во помал плех за да биде повисока питата.

Печената пита покријте ја со кујнска крпа барем 5 минути да омекне.

Напомена: оваа пита секогаш ја правам одокативно, значи слободно можете да додадете повеќе сирење или помалку, повеќе јогурт или помалку, но важно е крајната смеса да биде малку погуста од онаа за палачинки и не можете да згрешите. Питата е сочна, мека и вкусна.