Пита готова за 20 минути – Само измешајте и испечете

Шпанската пита е одлично предјадење или вечера со чаша јогурт. Некогаш се нарекувала царска пита, а денес тоа е шпанска пита. Ако ја направите и исечете на убави коцки, можете да ја послужите и како предјадење.

Потребни состојки:

5 јајца
200 мл масло
200 мл јогурт
250 г брашно
1 лажичка сол (10 г )
1 прашок за печиво (10 г )
150 г шунка или друго сувомеснато
100 г кисели краставички
200 г младо сирење (ако ставате фета, тогаш 150 г и помалку сол во смесата)

Постапка:

1.Ситно исечкајте ја шунката, сирењето и краставичките.

Loading...

2.Пенасто со жица изматете ги јајцата и додадете сол. Додадете масло и јогурт, а потоа брашно и прашок за печиво.

3.Соединете ја смесата, па додадете ги сечканата шунка, сирењето и краставичките.

4.Промешаната смеса излејте ја во намастен плех со средна величина и печете во загреана рерна на 200 степени.

5.Печете помеѓу 30 и 40 минути, во зависност од рерната (во видеото 35 минути). Може да се послужи како топло и како ладно предјадење, појадок или вечера. Постапката можете да ја погледнете во видеото:

Loading...