Пилешкото месо е многу вкусно и лесно за подготовка, па затоа многу често е застапено на менито кај луѓето ширум целиот свет. Овојпат испробав нов рецепт и воопшто не се покајав, напротив! За 20-тина минути го приготвив највкусниот ручек со пилешко месо кое сум го јадела досега. Запишете си го рецептот, нема да се покаете. Еве што ви е потребно:
ПОТРЕБНИ СОСТОЈКИ: 2 парчиња пилешко филе исечено на коцки, сол, оригано, кари, црн пипер, магдонос, 2 јајца, 100 мл неутрална течна павлака за готвење, 1 или 2 компири, малку маслиново масло
ПОСТАПКА: Пилешкото бело месо измијте го со ладна вода и избришете го со хартиена салветка. Потоа исечете го на помали коцки (со големина на залак). Месото посолете го и добро измешајте го со раце за да се распореди солта подеднакво.
Исечканото месо распоредете го на дното од огноотпорен сад со средна величина (нема потреба да се намастува садот). Настрана, во подлабок сад скршете две јајца и пенасто изматете ги со жица-маталка како за омлет.
Во изматените јајца додајте 100 мл неутрална, течна павлака за готвење и повторно изматете за да се соединат двете состојки. Во добиената мешавина додајте разни зачини по вкус, како: оригано, кари, мелен црн пипер, сув магдонос…
Изматете за да се изедначат зачините рамномерно. Со оваа смеса прелијте го месото и добро измешајте го за да се распореди рамномерно во сосот. Одозгора наросете малку маслиново масло, околу 2-3 лажици.
Еден поголем компир или два помали излупете и исечете на тркалца со денелина од 3-5 милиметри (како за мусака). Тркалцата компир наредете ги одозгора врз месото, не преммногу густо, но да се покрие површината.
Половина китка свеж магдонос ситно исечкајте и наросете одозгора. Ставете да се пече во претходно загреана рерна на 200 степени, околу 20 минути. Послужете топло. Деталите од целата постапка можете да ги погледнете во видеото ОВДЕ.
