ПИЛЕШКИ ПРСТИ – Децата буквално би ги јаделе секој ден, толку многу им се вкусни

Пред неколку години го пробав овој рецепт и сега стана многу чест додаток при разни дружења, но децата многу ми го бараат и за ручек… брзо, фино и едноставно кога ви доаѓаат гости и сакате со нешто да ги понудите, а немате време за некои спектакуларни готвења.

Потребни состојки:

500 г пилешки гради
1 чаша јогурт (180 мл)
1 јајце
1 лажичка лук во прав
1 лажичка сол
2 чаши презла (лебни трошки), мерката ми е јогуртна чаша
1 лажичка прашок за печиво
Малку сол

Постапка:

Белото пилешко месо се сече на тенки долги ленти.

Јајцето, јогуртот, лукчето и солта добро се промешуваат во еден сад.

Се додава исеченото месо и се остава да отстои еден час или подолго.

Лебните трошки, прашокот за печиво и солта се мешаат во друг сад. Од парчињата месо малку се истресува јогуртот, па се валка во трошките и добро се притиснува за да се обложи рамномерно.

Се пржи неколку минути во врело масло и се реди врз хартиена салветка за да се впие вишокот маснотија.

Јас ги послужувам во голема чинија со чили сос за натопување, а некогаш мешам сенф и мед.

Loading...