Фото и рецепт: Зринка Јанковиќ
Секакви рецепти сум испробала, но овој ми е најубав. Има голем број варијации на тема.
Потребни состојки:
600 г пченкарно брашно
6 лажици бело брашно
6 лажици масло
1 лажица сол
2 лажици шеќер
½ прашок за печиво
500 мл зовриена вода отприлика
Постапка:
Сите состојки се мешаат во еден сад и се полева со врела вода. Се меша со дрвена лажица додека да се формира топка (ова може и на рингла да го правите, да се свари брашното).
Потоа со раце се замесува и тоа добро. Тестото се префрла во намастена тепсија и се формира топка како на фотографијата.
Се премачкува со четка или со рака со јогурт или павлака, а преку тоа со лажица масло.
Се остава поклопено неколку часови (јас го киснев 5 часа) а потоа се пече додека да зарумени, некаде околу 1 час и 10 минути на 200 степени (јас живеам во УСА па вие прилагодете ја температурата според вашите шпорети).
Кога е печен пченкарникот испрскајте го со ладна вода и покријте го со чиста крпа.
Фото и рецепт: Зринка Јанковиќ
