ПАЛАЧИНКИ СО СИРЕЊЕ – одличен рецепт!

Палачинките се сигурно омилен десерт на многумина, но ова е една друга нивна верзија која може целосно да замени еден од главните оброци.

Потребни состојки:

150 г фета сирење
200 г павлака
1 јајце
8 поголеми палачинки
1 прстофат сол

За прелив:

1 јајце
200 мл јогурт
50 мл вода
Неколку лажици масло

Постапка:

Вклучете ја рерната на 220 степени. Фета сирењето ставете го во еден подлабок сад и испасирајте го со виљушка. Додадете павлака, јајце, сол и се’ убаво соединете.

Ставете по една полна лажица од смесата врз секоја палачинка. Преклопете ја палачинката на 3 дела хоризонтално, а потоа страните преклопете ги кон внатре и ќе добиете квадрат. Вака здиплените палачинки наредете ги намастен плех.

Направете го преливот во истиот сад во кој го направивте филот за палачинки.

Измешајте ги сите состојки за прелив и прелијте ги палачинките.

Ставете да се печат во загреана рерна на 200-220 степени околу 20 минути додека да заруменат.

Loading...