Ова е најдобриот рецепт за ВИШНОВКА: Нашите баби секогаш имаа ваков ликер

Порано беше незамисливо едно домаќинство да нема барем едно шише добра вишновка. Постојат повеќе рецепти за приготвување на домашна вишновка, а ние ќе ви откриеме неколку. За сите вас кои го сакате овој супер ликер, запишете си го оној кој најмногу ви одговара…

NMD.mk




Обично вишновката се приготвува со вишни, шеќер и ракија (најчесто се користи некоја добра, силна домашна ракија, или каква имате), но нашиот читател Тони Секуловски ни откри и рецепт за подготвување на уште подобар ликер – со мед. Рецептот можете да го прочитате подолу:




РЕЦЕПТ 1 – Потребни состојки: 3 кг вишни, 2 кг шеќер и 1 литар добра ракија (лозова)

Постапка: вишните добро измијте ги и исцедете ги. Во тегли од 5 литри редете ги вишните, шеќерот и залијте ги со ракија. Целата оваа количина ја собира во две вакви тегли. Оставете на сонце 40 дена, со секојдневно мешање за да се растопи шеќерот.




После 40 дена процедете (и не мора) и складирајте во стаклени шишиња. Не сум мерела точно, но излегува околу 3-4 литри.

РЕЦЕПТ 2 – Потребни состојки: 500 г вишни, 500 г шеќер, 1 литар домашна ракија

Постапка: во стаклена тегла редете ред вишни, ред шеќер додека има состојки. Потоа прелијте со ракија и добро затворете. Оставете ги теглите на сонце 40 дена, протресете неколку пати за да се растопи шеќерот.




Потоа се складира во шишиња и се пие разладено. Една чашка на ден е доволна, а од две, три… ќе пеете цела ноќ : – ) За оние што прават првпат: семките не се вадат, само вишните треба да бидат здрави, да нема скапани меѓу нив.




Потоа може да се користат за Шварцвалд торта, за чоколадни пралини со вишни, шери чоколатца… А ако изедете неколку вишни, ќе бидете весели цел ден…. : – ) Многу се cилни, впиваат доста алкoxoл.




Вишните може да ги оставите во ракијата и да не ги процедувате. Исто така, овој ликер може да се приготви и од смрзнати вишни.

Еве уште една идеја кога веќе пишуваме за ликери: Земете една голема тегла од 5 или повеќе литри, па започнете во неа да редите сезонско овошје, ред овошје, ред шеќер, ред ракија и ред рум.




Важно е секогаш да има прст ракија над овошјето. И како излегува ново овошје вие така дополнувајте го. Вака ќе добиете ликер од разно овошје кое може да се користи и за пиење и за разни колачи.




ВАШИ КОМЕНТАРИ:

Коментар на Тони Секуловски: „А има уште многу поубав и погуст – прав ликер! Се приготвува од 1 кг вишни со извадени семки и 1 кг мед. Се оставаат добро затворени во стаклена тегла да отстои 40 дена на сонце со повремено промешување.




Потоа се додава 1,5 литар ракија и се остава повторно 40 дена. Се промешува и ликерот е подготвен за конcyмација. Напомена: ракијата се става после 40 дена“.

Претходна статијаОва завршува во ѓубре, а ги лекува сите болести со мочниот меур и бубрезите (РЕЦЕПТ)
Следна статијаПо битолски се нарекува „Ѓурвалаци“, а по прилепски „Девет табани“ – Нема поубава од оваа пита за мерак