Потребни состојки:

500 г тестенини (ситните како полжавчиња)

150 г кашкавал

200 г шунка

2-3 обарени моркови

15 кисели краставички

1 кисела црвена пиперка или печена црвена пиперка

1-1,5 литар јогурт

200 г мајонез

Постапка:

Сварете ги тестенините во вода со малку сол. Потоа исплакнете ги со ладна вода, додадете малку масло и промешајте. Оставете да изладат.

Кашкавалот, шунката, сварените моркови, краставичките и пиперката исечкајте ги на коцкички, па додадете ги во изладената тестенина.

Потоа додадете 1 литар јогурт и мајонез, па сето добро промешајте за да се соедини смесата.

Следниот ден, бидејќи тестенините ќе ја впијат течноста, ако ви се чини дека салатата е сува, додадете уште малку јогурт (јас обично дотурам уште половина литар).

Салатата сервирајте ја во чинии, а одозгора по желба наросете со малку рендан кашкавал.

Од оваа смеса мене ми излезе една голема чинија и четири помали.